Hrečaskija prafsajuzy pravodziać u čaćvier 24-hadzinnuju ŭsieahulnuju zabastoŭku, vykazvajučy takim čynam pratest suprać refarmavańnia piensijnaj sistemy i sistemy sacyjalnaha zabieśpiačeńnia.
U haradach nie pracuje hramadski transpart. Taksama zakrytyja škoły i balnicy, lekary prymajuć pacyjentaŭ tolki dla akazańnia ekstrannaj miedycynskaj dapamohi. Da strajku dałučylisia taksisty.
Zhodna z damoŭlenaściami ź mižnarodnymi kredytorami ab vyłučeńni Hrecyi finansavaj dapamohi, Afiny pavinny ŭ hetym hodzie zrezać vydatki na vypłaty piensij na 2 młrd dalaraŭ. Heta aznačaje, što maksimalnaja piensija budzie źnižanaja z 2,7 tysiač jeŭra da 2,3 tysiač, a bazavaja — da 384 jeŭra.
Urad zajaŭlaje, što maje namier abaranić piensijanieraŭ nastolki, nakolki heta budzie mahčyma.
Adnak prafsajuzy śćviardžajuć, što kampramis, na jaki ŭłady iduć dla atrymańnia finansavaj dapamohi, tolki pahoršyć ekanamičnuju situacyju ŭ krainie i pryviadzie da rostu biespracoŭja.
U śniežni hrečaski parłamient pryniaŭ biudžet, u jakim zafiksavanaje skaračeńnie dziaržaŭnych vydatkaŭ na 5,5 młrd jeŭra i rost padatkovych pastupleńniaŭ bolš čym na 2 młrd jeŭra.
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary