Paśla druhoha turu čempijanatu Biełarusi pa futbole turnirnaja tablica zajmieła niazvykłuju kanfihuracyju. Na dźvie vierchnija prystupki ŭzyšli navapołacki «Naftan» i absalutny debiutant čempijanatu mikaševicki «Hranit».
Paśla druhoha turu čempijanatu Biełarusi pa futbole turnirnaja tablica zajmieła niazvykłuju kanfihuracyju. Na dźvie vierchnija prystupki ŭzyšli navapołacki «Naftan» i absalutny debiutant čempijanatu mikaševicki «Hranit».
Hoł veterana Ŭładzimiera Makoŭskaha za dźvie chviliny da finalnaha śvistka prynios «Naftanu» ciažkuju vyjaznuju pieramohu nad «Niomanam» – 2:1. «Hranit» u svaju čarhu zusim nie pa-debiutancku pieramoh «Smarhoń» – 3:0.
U centralnym matčy turu syšlisia dźvie mienskija kamandy – «Dynama» i MTZ-RIPA. Sumnaja hulnia pieršaha tajmu źmianiłasia vybucham aktyŭnaści «dynamaŭcaŭ» u druhim. Jak vynik, Kirył Paŭlučak i Alaksandar Lebiedzieŭ zabili dva biezadkaznyja hały.
Sustrečy BATE i žodzinskaha «Tarpeda», a taksama «Viciebsku» ź mienskim «Lakamatyvam» prynieśli nulavyja ničyi.
Mahiloŭski «Dniapro» ŭvieś matč vyjhravaŭ u salihorskaha «Šachciora», ale pieramohu ŭtrymać nia zmoh – 2:2. Druhuju parazu zapar ź minimalnym likam atrymała «Daryda», na hety raz ad «Savita». Ale apošniaje miesca praciahvaje zajmać bieraściejskaje «Dynama», jakoje prajhrała «Homielu» – 0:2.
Turnirnaja tablica paśla dvuch turaŭ maje nastupny vyhlad: «Naftan» – 6 punktaŭ, «Hranit», «Dynama» (Miensk), «Homiel», «Šachcior», «Viciebsk», BATE – pa 4, MTZ-RIPA, «Savit» – pa 3, «Lakamatyŭ» – 2, «Nioman», «Tarpeda», «Dniapro», «Smarhoń» – pa 1, «Daryda», «Dynama» (Bieraście) – pa 0.
Najlepšymi bambardzirami z dvuma hałami pakul źjaŭlajucca: Ivan Dzienisievič («Nioman»), Maksim Bardačoŭ (MTZ-RIPA), Mikałaj Švydakoŭ («Lakamatyŭ»), Nikałas (MTZ-RIPA), Ihar Kryvabok («Hranit»), Uładzimier Makoŭski («Naftan»), Alaksandar Lebiedzieŭ («Dynama» Mn).
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska2
Kamientary