Ciapierašnija staŭki pa depazitach zachavajucca na praciahu pieršaha paŭhodździa — ekśpiert

Staŭki, jakija skłalisia na depazitnym rynku, u cełym nie źmieniacca ŭ haryzoncie bližejšych 6—7 miesiacaŭ, ličyć v.a. dyrektara departamienta raspracoŭki i raźvićcia roźničnych praduktaŭ Alfa-Banka (Biełaruś) Aleh Kazieka.

Pavialičyć

 «Pavodle našaj acenki, na praciahu pieršaha paŭhodździa nie varta čakać istotnaj źmieny pracentavych stavak pa depazitach, jak u biełaruskich rublach, tak i ŭ zamiežnaj valucie. Dyfierencyjacyja stavak budzie zaležać, hałoŭnym čynam, ad vidu ŭkładu — adzyŭny abo biezadzyŭny, - ličyć A.Kazieka. - Pa hetych paramietrach staŭka budzie adroźnivacca na karyść biezadzyŭnych depazitaŭ, ale vierchniaja miaža stavak na rynku, chutčej za ŭsio, zachavajecca ŭ bližejšy čas na ŭzroŭni, jaki skłaŭsia - da 30% hadavych u biełaruskich rublach i da 5% hadavych u zamiežnaj valucie».

Jon rastłumačyŭ, što zachavańnie biahučaha ŭzroŭniu stavak źviazana z paśladoŭnaj palitykaj rehulatara pa abmiežavańni rostu hrašovaj masy i inflacyi, z druhoha boku źnižeńnie stavak niełahična z ulikam niavyznačanaści źniešnich faktaraŭ, jakija akazvajuć niepasredny ŭpłyŭ na paramietry hrašovaha rynku.

«U lubym vypadku, prybytkovaść pa depazitach u biełaruskich rublach zastajecca stanoŭčaj u realnym vyražeńni, heta značyć hadavaja pracentnaja staŭka prykmietna pieravyšaje čakany ŭzrovień inflacyi i heta źjaŭlajecca harantyjaj taho, što inflacyja nie «źjeść» aščadžeńni», — dadaŭ A.Kazieka.

Pavodle jaho słoŭ, Alfa-Bank adreahavaŭ na realnaść rynku, jakaja skłałasia, pierafarmatavańniem liniejki depazitaŭ. «U Alfa-Banku skłałasia adnosna ŭstojlivaja baza depazitaŭ, u tym liku pryrost układaŭ u biełaruskich rublach u śniežni i studzieni zachavaŭ stanoŭčuju dynamiku, niahledziačy na charakternyja dla rynku źmieny umoŭ. Tym nie mienš, zaraz my zaviaršajem dapracoŭku novaj liniejki depazitaŭ, bolšaja častka ź ich užo dastupnaja układčykam. Va ŭmovach adnosnaj stabilnaści pa canie, klučavoje značeńnie z punktu hledžańnia kankurentazdolnaści nabyvajuć zručnaść i racyjanalnaść raźmiaščeńnia hrašovych srodkaŭ u banku. Mienavita fiłasofija racyjanalnaści i bałansu intaresaŭ pakładziena ŭ asnovu novaj liniejki depazitaŭ Alfa-Banka», — adznačyŭ ekśpiert.

U studzieni Alfa-Bank zapuściŭ try novyja ŭkłady - «Alfa-Prajm», «Alfa-Aktyŭ» i «Alfa-Kamfort». U cełym jany adlustroŭvajuć roznyja stratehii źbieražeńnia, jakija składajucca na biełaruskim rynku.

Naprykład, biezadzyŭny depazit «Alfa-Prajm» zabiaśpiečvaje vybar najbolš aptymalnaha z punktu hledžańnia ŭkładčyka terminu raźmiaščeńnia — heta moža być 3, 6, 12 i 24 miesiacy. Pry hetym pracentnaja staŭka ŭviazanaja z abranym terminam i składaje 24-30% hadavych. Važnym niuansam depazitu «Alfa-Prajm» źjaŭlajecca fiksavanaja staŭka na praciahu pieršych 6 miesiacaŭ, h.zn. u prahnazavanym pieryjadzie bank harantuje vypłatu mienavita toj staŭki, jakaja paznačana ŭ damovie. Svajho rodu «aknom mahčymaściaŭ» dla aściarožnych układčykaŭ źjaŭlajecca prałanhacyja ŭkłada raźmieščanaha na minimalny termin 3 miesiacy. A bonusam dla bolš paśladoŭnych układčykaŭ źjaŭlajecca mahčymaść papaŭnieńnia depazitu pry raźmiaščeńni na termin ad 6 miesiacaŭ.

Ekśpiert kanstatavaŭ, što dla mnohich układčykaŭ mahčymaść daterminovaha adklikańnia u biahučych umovach praciahvaje zastavacca hałoŭnym kryteryjem pry vybary depazitu. Dla hetaj katehoryi raspracavany depazit «Alfa-Aktyŭ», jaki spałučaje pieravahi daterminovaha adklikańnia i adnosna vysokaj staŭki. Pry daterminovym adklikańni staŭka pa ŭkładu pieraličvajecca, ale na całkam łajalnych dla klijenta umovach: paśla troch miesiacaŭ układ možna adklikać, zachavaŭšy pry hetym staŭku na ŭzroŭni 20% hadavych suprać 25% hadavych pry raźmiaščeńni na hod. Realnuju prybytkovaść układu dazvalaje pavialičyć štomiesiačnaja kapitalizacyja pracentaŭ.

Depazit «Alfa-Kamfort» dazvalaje paźbiehnuć abkładańnia pracentnaha prybytku padachodnym padatkam, bo vypłata prybytku ažyćciaŭlajecca adnačasova z nadychodam terminu viartańnia ŭkładu - na nastupny dzień praz 1 hod pry raźmiaščeńni srodkaŭ u biełaruskich rublach i praz 2 hady pry valutnym układzie. Pry hetym «Alfa-Kamfort» zabiaśpiečvaje maksimalnuju na rynku prybytkovaść pa ŭkładach, jak u biełaruskich (30% hadavych) i rasijskich rublach (12% hadavych), tak i ŭ dalarach ZŠA / jeŭra (5% hadavych). Pry hetym na praciahu pieršych 6 miesiacaŭ praduhledžana fiksavanaja pracentnaja staŭka.

«Važnaj pieravahaj novaj liniejki ŭkładaŭ źjaŭlajecca mahčymaść ich adkryćcia nie tolki ŭ lubym z 30 adździaleńniaŭ Alfa-Banka ŭ 16 haradach Biełarusi, ale i pry dapamozie internet / mabilnaha banka. Heta značyć, układ u luboj valucie možna adkryć prosta sa smartfona, nie zachodziačy ŭ adździaleńnie», - rastłumačyŭ A.Kazieka.

Kamientujučy mahčymyja ŭ siońniašnich umovach stratehii źbieražeńnia, ekśpiert adznačyŭ, što «niechta zachoŭvaje hrošy ŭ depazicie, chtości pad« matracam» — tak było zaŭsiody i heta pytańnie finansavaj piśmiennaści». «Miž tym, mienavita siońnia, va ŭmovach źnižeńnia realnych prybytkaŭ nasielnictva, prybytak pa ŭkładach u biełaruskich rublach moža stać adčuvalnaj i pradkazalnaj zapamohaj dla siamiejnaha biudžetu», — upeŭnieny ekśpiert.

Jon taksama padzialiŭsia praktyčnymi kiejsami, jakija dazvolać atrymać maksimum vyhod z depazitu ŭ biełaruskich rublach.

Naprykład, ciapier mnohija biełarusy addajuć pieravahu rabić bujnyja pakupki ŭ Rasii. Heta stała asabliva aktualna ŭ suviazi sa źnižeńniem realnych prybytkaŭ nasielnictva i značnaj devalvacyjaj rasiejskaha rubla ŭ adnosinach da dalara ZŠA i jeŭra. U vyniku mnohija tavary ŭ rasijskich kramach kaštujuć tańniej, čym u toj ža Polščy ci Litvie. I tut depazit u biełaruskich rublach stanovicca vielmi pryvabnym. Sprava ŭ tym, što pasłableńnie biełaruskaha rubla da rasijskaha prykmietna mienš, čym da dalara ci jeŭra, a roźnica ŭ prybytkovaści pa depazitach u rasijskich rublach i biełaruskich dasiahaje 20%.

Adpaviedna dla tych biełarusaŭ, jakija płanujuć adkładzienuju kuplu ŭ rasijskich rublach, depazity ŭ biełaruskich rublach źjaŭlajucca vyhadnym rašeńniem časovaha raźmiaščeńnia srodkaŭ.

Jašče adnym prykładam praktyčnaha kiejsa źjaŭlajecca kambinacyja vysokaprybytkovaha biezadzyŭnaha ŭkładu i kredytnaj kartki ź ilhotnym pieryjadam. Na praktycy heta vyhladaje nastupnym čynam: srodki raźmiaščajucca na ŭkładzie pad maksimalnuju staŭku ŭ zamiežnaj valucie abo ŭ biełaruskich rublach, a dla biahučych vydatkaŭ afarmlajecca kredytnaja kartka «Mocnaja» z 15-dzionnym hrejs-pieryjadam pad 0,000001%.

Dla tych, chto choča dyviersifikavać svaje źbieražeńni, u Alfa-Banku majecca ŭnikalnaja pasłuha aŭtamatyčnaj pakupki valuty «Tranśfier». Jana dazvalaje ź luboha biahučaha rachunku, u tym liku biahučaha rachunku adzyŭnoha depazitu abo aščadnaj kartki aŭtamatyčna pierakładać na valutny rachunak abo častku pastupleńniaŭ abo peŭnuju sumu.

Pavialičyć

TAA «Sełman Miedyja», UNP 101188498

• 0
• 0
• 0
• 0
• 0
• 0