Prezident Vieniesueły Nikałas Madura zajaviŭ, što źbirajecca padniać ceny na bienzin, a taksama devalvavać nacyjanalnuju valutu — vieniesuelski balivar, kab palehčyć ekanamičny kryzis u krainie. Takuju zajavu kiraŭnik respubliki zrabiŭ u svaim telezvarocie, pieradaje AFP.
«Heta nieabchodnaje dziejańnie, za jakoje ja biaru na siabie adkaznaść», — skazaŭ Madura.
Zaraz košt bienzinu premium kłasa ŭ Vieniesuele składzie $0,95 za litr, raniej jon kaštavaŭ $0,01 za litr.
Akramia taho, Madura abviaściŭ, što z 18 lutaha ŭrad «sprościć» składany valutny režym u krainie. Tak, z čaćviarha ŭ Vieniesuele budzie dziejničać fiksavany aficyjny kurs valuty dla charčavańnia i impartnych miedykamientaŭ i «płavajučy» kurs dla inšych apieracyj.
U siaredzinie studzienia Madura abviaściŭ ab uviadzieńni nadzvyčajnaha ekanamičnaha stanovišča pa ŭsioj krainie terminam na 60 dzion. U jaho ŭkazie adznačałasia, što takaja miera była pryniataja dla abarony sacyjalnych pravoŭ u halinie adukacyi, achovy zdaroŭja, žylla i sportu dla ŭsich vieniesuelcaŭ.
Izrailski biznesmien staŭ iranskim špijonam dziela darahoj va ŭtrymańni biełaruski. Chto hetaja fatalnaja łedzi?7
Kamientary