Viarchoŭnaja rada Ukrainy pryniała apošnija try zakony, jakija ŭvachodziać u tak zvany biaźvizavy pakiet, nieabchodny dla libieralizacyi vizavaha režymu ź Jeŭrapiejskim sajuzam.
U pryvatnaści, na pasiadžeńni deputaty pryniali zakon «Ab prakuratury», jakim načalniku Antykarupcyjnaj prakuratury pieradajucca paŭnamoctvy pa pryznačeńni kiraŭnikoŭ jaje padraździaleńniaŭ i ich namieśnikaŭ ad hienieralnaha prakurora. Dakumient zaklikany ŭdaskanalvać praceduru adboru kirujučaha składu hetaj prakuratury i «pavysić harantyi jaje niezaležnaści i biesstaronnaści».
Taksama rada pryniała ŭ cełym zakon ab udaskanaleńni pracedury aryštu majomaści i instytuta śpiecyjalnaj kanfiskacyi. Pryniatym siońnia dakumientam narodnyja deputaty ŭdakładnili, na padstavie jakich rašeńniaŭ suda prymianiajecca śpiecyjalnaja kanfiskacyja, pašyryli vypadki prymianieńnia aryštu majomaści.
Treci zakon — ab vyjaŭleńni, vyšuku i kiravańni aktyvami, atrymanymi ad karupcyjnych i inšych złačynstvaŭ, staŭsia apošnim, jaki, na dumku deputataŭ, adkryje Ukrainie biaźvizavy režym ź ES.
Prezident Ukrainy Piatro Parašenka ŭžo padziakavaŭ parłamientaryjam za pryniaćcie hetych zakonaŭ. «Udziačny deputatam za plonny plenarny viečar i za pryniaćcie» biaźvizavych zakonaŭ», — napisaŭ jon u Twitter.
Kamientary