Hrošy tolki novaha ŭzoru buduć vydavacca ŭ biełaruskich bankamatach z 1 kastryčnika 2016 hoda. Ab hetym skazana ŭ rastłumačeńni Nacyjanalnaha banka ab arhanizacyi raboty pa apieracyjach z kartkami, padrychtavanym u suviazi z majučaj adbycca denaminacyjaj.
«Z 1 kastryčnika 2016 hoda banki vydajuć u prahramna-techničnaj infrastruktury (bankamatach, infakijoskach) tolki hrašovyja znaki ŭzoru 2009 hoda. U vypadku najaŭnaści techničnaj i arhanizacyjnaj mahčymaści banki prymajuć u prahramna-techničnaj infrastruktury hrašovyja znaki ŭzoru 2000 hoda i hrašovyja znaki ŭzoru 2009 hoda adnačasova pa 31 śniežnia ŭklučna», - havorycca ŭ paviedamleńni. U vypadku adsutnaści techničnaj mahčymaści bank samastojna prymaje rašeńnie ab pryjomie ŭ bankamatach z 1 lipienia 2016 hoda hrašovych znakaŭ uzoru 2009 hoda.
U paviedamleńni taksama adznačajecca, što banki pavinny infarmavać klijentaŭ ab tym, ź jakimi hrašovymi znakami klijent zmoža ažyćciaŭlać apieracyi ŭ tym ci inšym bankamacie abo infakijosku. Infarmacyja pavinna być raźmieščana niepasredna ŭ miescy akazańnia pasłuhi.
Pavodle danych Asacyjacyi biełaruskich bankaŭ, kart-čeki z 1 lipienia biahučaha hoda pavinny ŭklučać novy litarny BYN kod valuty. «Rekamiendujecca taksama pry vydačy paśla 1 lipienia 2016 hoda ŭ bankamatach hrašovych znakaŭ uzoru 2000 hoda paznačać adpaviednuju infarmacyju ŭ kart-čekach — u poli dla daviedačnaj abo rekłamnaj infarmacyi», — skazana ŭ paviedamleńni.
Rašeńnie ab praviadzieńni denaminacyi aficyjnaj hrašovaj adzinki z 1 lipienia 2016 hoda zamacavana ŭkazam ad 4 listapada numar 450. Denaminacyja budzie praviedziena šlacham zamieny banknotaŭ uzoru 2000 hoda na banknoty i maniety ŭzoru 2009 hoda ŭ suadnosinach 10 000 i 1 biełaruski rubiel. Abmianiać staryja hrašovyja znaki na novyja možna budzie z 1 studzienia 2017 hoda pa 31 śniežnia 2019 hoda ŭklučna ŭ Nacyjanalnym banku, bankach i niabankaŭskich kredytna-finansavych arhanizacyjach Biełarusi. Z 1 studzienia 2020 hoda pa 31 śniežnia 2021-ha ŭklučna staryja hrošy na novyja možna budzie abmianiać tolki ŭ Nacyjanalnym banku. Z 1 studzienia 2022 hoda hrašovyja znaki ŭzoru 2000 hoda buduć ličycca niesapraŭdnymi.
Ciapier čytajuć
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku1
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3131
Kamientary