Pa telefonie ź Ńju‑Jorku Mark Zelcer skazaŭ:
«Jon tam, pra heta ja viedaju ad jahonaha advakata. Pasadzili zdarovaha čałavieka ŭ «psychušku». Skazali, što chočuć zrabić jamu niejkija daśledavańni medyčnyja. Zdajecca, u staryja časy, kali zvyčajnyja katavańni nie dapamahali, KDB hetaksama źmiaščaŭ ludziej u «psychušku». Hetak ja razumieju, a jak inakš? Čamu ŭ «psychušku»?»
U KDB Biełarusi nie kamentujuć źviestak adnosna znachodžańnia Emanuiła Zelcera ŭ psychijatryčnym špitali. «Biez kamentaru. Idzie śledztva», — adkazaŭ kiraŭnik adździełu suviaziaŭ z hramadzkaściu KDB Valer Nadtačajeŭ.
Zhodna z raniejšymi zajavami KDB, advakat Emanuił Zelcer byŭ aryštavany pavodle padazreńnia ŭ padrableńni dakumentaŭ i ŭtrymlivaŭsia ŭ turmie KDB «amerykanka».
Jak pačuvajecca viazień, pra jakoha viadoma, što jon pakutuje ad chraničnaj chvaroby? Sa spasyłkaj na advakata Mark Zelcer paviedamiŭ, što jahonamu bratu nie chapaje lekaŭ:
«Jamu leki niejkija dajuć, ale nia toje, što treba. Bo nie dajuć tyja , jakija my jamu pasłali, a inšyja jon baicca prymać u «psychušcy», — skazaŭ Mark Zelcer.
14 krasavika Dziarždepartament ZŠA zrabiŭ zajavu, u jakoj zaklikaŭ ułady Biełarusi vykonvać svaje mižnarodnyja abaviazańni i dazvolić zatrymanamu hramadzianinu ZŠA rehularna sustrakacca z pradstaŭnikom ambasady ZŠA ŭ Miensku. Dahetul viadoma pra adnu takuju sustreču, jakaja adbyłasia ŭ kancy sakavika. Emanuił Zelcer byŭ zatrymany ŭ Miensku 12 sakavika.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary