Na Kipry vyjavili cieła eks-kiraŭnika «Urałkalija» Uładzisłava Baŭmhiertniera. Heta paćvierdziła miascovaja palicyja.
Raniej pra toje, što na Kipry znajšli miortvym eks-kiraŭnika «Urałkalija», paviedamlali ŚMI. U palicyi zajaŭlali, što dla ŭstanaŭleńnia asoby treba pravieści ekśpiertyzy. Ciapier staŭ viadomy vynik.
Pryčyny śmierci nieviadomyja.
Baŭmhiertnier šmat hadoŭ tamu byŭ źviazany adnym z epizodaŭ svajoj bijahrafii ź Biełaruśsiu. Kali ŭ 2013 hodzie jon prylacieŭ u Biełaruś pa zaprašeńni tahačasnaha premjer-ministra Michaiła Miaśnikoviča, jaho aryštavali. Trymali ŭ SIZA KDB.
Jahonamu aryštu papiaredničaŭ biełaruska-rasijski kalijny kanflikt, jaki pačaŭsia paśla taho, jak «Urałkalij» abviaściŭ pra spynieńnie prodažaŭ praz sumiesnaje ź Biełaruśsiu ZAT «Biełaruskaja kalijnaja kampanija». Praz hetaha trejdara ažyćciaŭlali prodažy i «Urałkalij», i dziaržpradpryjemstva «Biełaruśkalij». Pry hetym abodva baki abvinavačvali adzin adnaho ŭ niaŭzhodnienych prodažach u abychod BKK.
Pieršapačatkova Baŭmhiertniera abvinavacili va złoŭžyvańni ŭładaj i słužbovymi paŭnamoctvami, zatym abvinavačvańnie było dapoŭniena kradziažom. Paśla biznesmiena departavali ŭ Rasiju, dzie ŭ dačynieńni da jaho taksama była raspačata kryminalnaja sprava. Paźniej spravu zakryli «ŭ suviazi z adsutnaściu ŭ jaho dziejańniach składu złačynstva».
U 2015‑2017 hadach Baŭmhiertnier pracavaŭ na pasadzie hiendyrektara partovaj kampanii Global Ports. Paśla ŭznačalvaŭ šviejcarskuju kampaniju Alevo.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary