Hazieta Vatykana apublikavała stanoŭčyja recenzii na film «U centry ŭvahi», jaki staŭ favarytam apošniaj oskaraŭskaj cyrymonii.
Pra heta ŭ aŭtorak, 1 sakavika, paviedamlaje Reuters. Siužet kinakarciny zasnavany na realnych padziejach, padčas jakich hazieta Boston Globe raskryła vypadki razbeščvańnia małaletnich u haradskoj archidyjacezii horada. Žurnalisty haziety apublikavali źviestki pra 70 śviataroŭ, zamiašanych u hetym, i abvinavacili arcybiskupa Biernarda Łou ŭ tym, što jon zapluščvaŭ vočy na aburalnyja vypadki.
Film nie naradžaje varožych pačućciaŭ u adnosinach da carkvy, upeŭnieny aŭtar artykuła «Aservatore Ramana». «Ciapier jasna, što ŭ carkvie zanadta mnohija zaniepakojenyja imidžam instytuta, a nie ciažaram ździejśnienaha», — zaklučaje vydańnie.
Siužet kinastužki vyklikaje «hłyboki bol viernikaŭ, jakija supraćstajać adkryćciu hetaj žudasnaj rečaisnaści», adznačaje ŭ svaju čarhu ahladalnik Luseta Skarafija.
U aficyjnym drukavanym orhanie Vatykana padkreślivajecca, što film daje «mužnaść, kab asudzić spravy, jakija pavinny być asudžanyja bieź jakich-niebudź vahańniaŭ».
Kamientary