Premjer-ministr Słavakii Robiert Fica nazvaŭ vyniki parłamienckich vybaraŭ «vielmi składanymi» i zajaviŭ, što na farmavańniu novaha kabinieta ministraŭ spatrebicca čas.
Reč u tym, što kirujučaja partyja «Kurs — sacyjalnaja demakratyja» atrymała pieramohu, ale nabrała tolki 29% hałasoŭ i straciła bolšaść u parłamiencie.
Jašče 9-ci partyjam ŭdałosia pieraadoleć piacipracentny barjer, što ŭskładnić dla Fica farmiravańnie kaalicyjnaha ŭrada, jakoje dazvoliła b jamu zastacca na svajoj pasadzie na treci termin.
Fica karystajecca reputacyjaj nacyjanalista. U chodzie pieradvybarnaj kampanii jon abiacaŭ, što nikoli nie pahodzicca na ŭviadzieńnie kvot Jeŭrapiejskaha Sajuza pa pryjomie mihrantaŭ.
Jon ličyć, što musulmanie, jakija składajuć pieravažnuju bolšaść siarod vychadcaŭ ź Blizkaha Uschodu, nie zmohuć intehravacca ŭ katalickuju Słavakiju i buduć nieści pahrozu nacyjanalnaj biaśpiecy.
Jaho apanienty adznačali, što značeńnie mihracyjnaha faktaru mocna pierabolšanaje, bo za minuły hod Słavakija pryniała tolki 330 zajaŭ ad asob, jakija žadajuć atrymać prytułak.
Kamientary