Były hiendyrektar «Minabłaŭtatransa» abvinavačvajecca pa piaci artykułach Kryminalnaha kodeksa

Va ŭpraŭleńni Śledčaha kamiteta pa Minskaj vobłaści zavieršanaje rasśledavańnie kryminalnaj spravy ŭ dačynieńni da byłoha hienieralnaha dyrektara AAT «Minabłaŭtatrans», jaki ŭčyniŭ šerah karupcyjnych złačynstvaŭ.

Jak paviedamiła aficyjny pradstaŭnik USK pa Minskaj vobłaści Taćciana Biełanoh, śledstvam ustanoŭlena, što kiraŭnik, karystajučysia svaim słužbovym stanoviščam u asabistych intaresach, žadajučy paźbiehnuć materyjalnych zatrat, sistematyčna vykarystoŭvaŭ pracu padnačalenych ŭ ich pracoŭny čas dla vykanańnia budaŭničych i haspadarčych rabot na ŭłasnym učastku, a taksama na terytoryi domaŭładańniaŭ, jakija naležać svajakam.

Jon ža, nie žadajučy nieści asabistyja raschody, na sistemnaj asnovie nabyvaŭ za košt pradpryjemstva roznyja tavarna-materyjalnyja kaštoŭnaści: meblu, bytavuju techniku, aŭtamabilnyja detali i kamplektavalnyja vyraby. U metach utojvańnia učynienych kradziažoŭ davaŭ ukazańni kiraŭnikam rajonnych pradpryjemstvaŭ unosić u aficyjnyja dakumienty niesapraŭdnyja źviestki ab nazvach tavaraŭ, što nabyvalisia, jakija śpisvalisia na vydatki pa ramoncie i ekspłuatacyi słužbovaha transpartu.

Śledstvam vyjaŭlenyja fakty nieadnarazovaha vykarystańnia ŭ asabistych metach hienieralnym dyrektaram majomaści pradpryjemstva. Dziejničajučy nasupierak intaresam słužby, jon nakiravaŭ u karystańnie svajakoŭ słužbovy aŭtamabil, u tym liku dla vyjezdaŭ za miažu. Za košt srodkaŭ filijałaŭ pradpryjemstva arhanizoŭvaŭ bankiety.

Akramia taho, papiarednim rasśledavańniem ustanoŭlena, što kiraŭnik, žadajučy zrabić zhodna z nadumanymi padstavami darahi ramont svajho słužbovaha aŭtamabila, naŭmysna arhanizavaŭ učynieńnie złačynstva. Tak, u 2012 hodzie jon daŭ ukazańnie padnačalenym śpiecyjalna nanieści drapiny na kuzaŭ transpartnaha srodku i źviarnucca z zajavaj u milicyju ab paškodžańni aŭtamabila «Aŭdzi A6» nieviadomaj asobaj. U vyniku aŭtamabil byŭ całkam pierafarbavany.

Sabranyja dokazy pa 25 epizodach złačynnaj dziejnaści, u vyniku jakich słužbovaja asoba naniesła ŭron pradpryjemstvu prykładna na 450 młn. rubloŭ. Śledstvam zabiaśpiečanaje poŭnaje pakryćcio škody. Nakładzieny aryšt na majomaść bolš jak na 8 młrd. rubloŭ, u tym liku na hrašovyja srodki, abjekty nieruchomaści, aŭtamabili.

Da materyjałaŭ kryminalnaj spravy dałučanyja zaklučeńni pravierki finansava-haspadarčaj dziejnaści AAT «Minabłaŭtatrans», dapytanyja dziasiatki śviedak. U miežach praviedzienych vobyskaŭ u haražy, jaki vykarystoŭvaŭ padśledny, znojdzieny pistalet «Braŭninh», prydatny dla stralby, što zachoŭvaŭsia tam niezakonna.

Z ulikam usich akaličnaściaŭ kiraŭniku vystaŭlenaje kančatkovaje abvinavačańnie na padstavie čč. 1, 2 art. 210 (kradziež šlacham złoŭžyvańnia słužbovymi paŭnamoctvami, učynieny hrupaj asob paŭtorna), č. 4 art. 16 i č. 1 art. 218 (arhanizacyja naŭmysnaha paškodžańnia majomaści, što pryviało da pryčynieńnie škody ŭ značnym pamiery), č. 2 art. 295 (niezakonnyja dziejańni ŭ dačynieńni da ahniastrelnaj zbroi), č. 3 art. 424 (złoŭžyvańnie słužbovymi paŭnamoctvami, što paciahnuła ciažkija nastupstvy), č. 2 art. 426 (pieravyšeńnie ŭłady abo słužbovych paŭnamoctvaŭ, učynienaje ź inšaj asabistaj zacikaŭlenaści) KK.

Miera strymańnia ŭ vyhladzie ŭziaćcia pad vartu, vykarystanaja ŭ dačynieńni da abvinavačanaha z pačatku papiaredniaha śledstva, nie źmianiałasia.

Padčas vytvorčaści pa kryminalnaj spravie taksama pryciahnutyja da kryminalnaj adkaznaści słužbovyja asoby, jakija ŭvajšli ŭ zmovu z hienieralnym dyrektaram AAT «Minabłaŭtatrans» i sadziejničali jamu va ŭčynieńni supraćpraŭnych dziejańniaŭ.

Kryminalnaja sprava pieradadzienaja prakuroru dla nakiravańnia ŭ sud.

• 0
• 0
• 0
• 0
• 0
• 0
• 0
• 0