Ва ўпраўленні Следчага камітэта па Мінскай вобласці завершанае расследаванне крымінальнай справы ў дачыненні да былога генеральнага дырэктара ААТ «Мінаблаўтатранс», які ўчыніў шэраг карупцыйных злачынстваў.
Як паведаміла афіцыйны прадстаўнік УСК па Мінскай вобласці Таццяна Беланог, следствам устаноўлена, што кіраўнік, карыстаючыся сваім службовым становішчам у асабістых інтарэсах, жадаючы пазбегнуць матэрыяльных затрат, сістэматычна выкарыстоўваў працу падначаленых ў іх працоўны час для выканання будаўнічых і гаспадарчых работ на ўласным участку, а таксама на тэрыторыі домаўладанняў, якія належаць сваякам.
Ён жа, не жадаючы несці асабістыя расходы, на сістэмнай аснове набываў за кошт прадпрыемства розныя таварна-матэрыяльныя каштоўнасці: мэблю, бытавую тэхніку, аўтамабільныя дэталі і камплектавальныя вырабы. У мэтах утойвання учыненых крадзяжоў даваў указанні кіраўнікам раённых прадпрыемстваў уносіць у афіцыйныя дакументы несапраўдныя звесткі аб назвах тавараў, што набываліся, якія спісваліся на выдаткі па рамонце і эксплуатацыі службовага транспарту.
Следствам выяўленыя факты неаднаразовага выкарыстання ў асабістых мэтах генеральным дырэктарам маёмасці прадпрыемства. Дзейнічаючы насуперак інтарэсам службы, ён накіраваў у карыстанне сваякоў службовы аўтамабіль, у тым ліку для выездаў за мяжу. За кошт сродкаў філіялаў прадпрыемства арганізоўваў банкеты.
Акрамя таго, папярэднім расследаваннем устаноўлена, што кіраўнік, жадаючы зрабіць згодна з надуманымі падставамі дарагі рамонт свайго службовага аўтамабіля, наўмысна арганізаваў учыненне злачынства. Так, у 2012 годзе ён даў указанне падначаленым спецыяльна нанесці драпіны на кузаў транспартнага сродку і звярнуцца з заявай у міліцыю аб пашкоджанні аўтамабіля «Аўдзі А6» невядомай асобай. У выніку аўтамабіль быў цалкам перафарбаваны.
Сабраныя доказы па 25 эпізодах злачыннай дзейнасці, у выніку якіх службовая асоба нанесла ўрон прадпрыемству прыкладна на 450 млн. рублёў. Следствам забяспечанае поўнае пакрыццё шкоды. Накладзены арышт на маёмасць больш як на 8 млрд. рублёў, у тым ліку на грашовыя сродкі, аб'екты нерухомасці, аўтамабілі.
Да матэрыялаў крымінальнай справы далучаныя заключэнні праверкі фінансава-гаспадарчай дзейнасці ААТ «Мінаблаўтатранс», дапытаныя дзясяткі сведак. У межах праведзеных вобыскаў у гаражы, які выкарыстоўваў падследны, знойдзены пісталет «Браўнінг», прыдатны для стральбы, што захоўваўся там незаконна.
З улікам усіх акалічнасцяў кіраўніку выстаўленае канчатковае абвінавачанне на падставе чч. 1, 2 арт. 210 (крадзеж шляхам злоўжывання службовымі паўнамоцтвамі, учынены групай асоб паўторна), ч. 4 арт. 16 і ч. 1 арт. 218 (арганізацыя наўмыснага пашкоджання маёмасці, што прывяло да прычыненне шкоды ў значным памеры), ч. 2 арт. 295 (незаконныя дзеянні ў дачыненні да агнястрэльнай зброі), ч. 3 арт. 424 (злоўжыванне службовымі паўнамоцтвамі, што пацягнула цяжкія наступствы), ч. 2 арт. 426 (перавышэнне ўлады або службовых паўнамоцтваў, учыненае з іншай асабістай зацікаўленасці) КК.
Мера стрымання ў выглядзе ўзяцця пад варту, выкарыстаная ў дачыненні да абвінавачанага з пачатку папярэдняга следства, не змянялася.
Падчас вытворчасці па крымінальнай справе таксама прыцягнутыя да крымінальнай адказнасці службовыя асобы, якія ўвайшлі ў змову з генеральным дырэктарам ААТ «Мінаблаўтатранс» і садзейнічалі яму ва ўчыненні супрацьпраўных дзеянняў.
Крымінальная справа перададзеная пракурору для накіравання ў суд.
Цяпер чытаюць
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць4
Каментары