Sud Japonii ŭ sieradu pastanaviŭ zakryć dva atamnyja reaktary, bo jany ŭjaŭlajuć pahrozu dla biaśpieki krainy.
Rašeńnie datyčycca treciaha i čaćviortaha reaktaraŭ AES «Takachama», jakaja znachodzicca ŭ 350 km ad Tokia.
Praca čaćviortaha reaktara była prypynienaja ŭ kancy lutaha z-za techničnaj pamyłki. Treci reaktar pracuje da hetaha času. Abodva reaktary adnavili svaju pracu tolki sioleta.
Kiruje reaktarami kampanija Kansai Electric, jakaja nazvała rašeńnie suda sumnym. Pavodle dadzienych ahienctva Frans pres, kampanija źbirajecca padavać apielacyju.
Pazoŭnikami pa spravie vystupili ludzi, jakija žyvuć pa susiedstvie z AES. Jany zajavili, što reaktary ŭjaŭlajuć pahrozu dla voziera Biva — asnoŭnaj krynicy vady dla rehijonu. Kali na stancyi adbudziecca avaryja, to vada ŭ voziery budzie zabrudžanaja.
Paśla vykanańnia rašeńnia suda ŭ krainie zastaniecca tolki dva pracujučyja atamnyja reaktary.
Patrabavańni da biaśpieki atamnych elektrastancyj u Japonii stali našmat bolš žorstkimi paśla avaryi na AES «Fukusima», jakaja adbyłasia ŭ sakaviku 2011 hoda.
Premjer-ministr krainy Sindza Abe płanuje adradzić atamnuju enierhietyku ŭ Japonii. Usiaho, zhodna z płanami ŭrada, pavinny być pierazapuščanyja 25 reaktaraŭ, što vyklikaje hramadskija pratesty. Rašeńnie suda istotna ŭskładniaje realizacyju hetych płanaŭ.
Što Babaryka i Kaleśnikava adkazali na pytańni pra vajnu97
Kamientary