Premjera novaha biełaruskaha animacyjnaha filma «Mark Šahał. Pačatak» adbudziecca 10 sakavika ŭ Minsku, paviedamili na Nacyjanalnaj kinastudyi «Biełaruśfilm».
U asnovie filma lažać uspaminy Marka Šahała pra svajo dziacinstva, pra horad Viciebsk, u jakim jon pravioŭ mnohija hady, pra baćkoŭ, jakich vielmi lubiŭ. U filmie adlustravanyja hałoŭnyja padziei, jakija adbyvalisia z Markam Šahałam, jaho siamjoj da adjezdu ŭ Sankt-Pieciarburh, raskrytyja vytoki tvorčaj, paetyčnaj natury mastaka, pačućciovy pohlad jaho dušy, jaki adbiŭsia jarkimi, dziciačymi farbami na jaho pałotnach.
Režysior-pastanoŭščyk multfilma — Alena Piatkievič, viadomy biełaruski režysior-animatar. Scenar napisaŭ Źmicier Jakutovič. Mastakom-pastanoŭščykam stała Ała Maciušeŭskaja. Nad filmam pracavali mastaki Inha Karaškievič, Taćciana Udavičenka.
Trynaccacichvilinny multfilm budzie pakazany na adkryćci vystavy «…A ŭśmieška zastałasia» ŭ Muziei historyi biełaruskaha kino. Vystava padrychtavanaja pa matyvach multfilma pra Marka Šahała. Naviedvalniki vystavy stanuć pieršymi hledačami hetaha novaha biełaruskaha multfilma.
Na vystavie pradstaŭlenyja eskizy mastaka-pastanoŭščyka Ały Maciušeŭski, jakija stali asnovaj fonavym i vobrazaŭ hierojaŭ multfilma. Eskizy vykananyja na admysłovaj ploncy tempiernymi farbami. Zatym vyjavy skanavalisia, razrazalisia, kampanavalisia i animavalisia. Tak stvaraŭsia śviet, u jakim ažyli hieroi hetaha filma.
Arhanična dapaŭniaje ekspazicyju sieryja mastackich rabot, natchnionych Šahałam i Viciebskam. Aŭtaram vielmi chaciełasia, kab vystava padaryła usim hledačam siudy adčuvańnie śviatła, ciapła i radaści.
Vystava «…A ŭśmieška zastałasia» budzie pracavać z 10 sakavika na praciahu miesiaca.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary