Ad siońnia ŭ paŭdniovych abłaściach Biełarusi dziejničaje zabarona na łoŭlu ryby
Zabarona na łoŭlu ryby ŭ paŭdniovych abłaściach Biełarusi dziejničaje z 20 sakavika, paviedamili ŭ pres-słužbie Dziaržaŭnaj inśpiekcyi achovy žyviolnaha i raślinnaha śvietu pry prezidencie Biełarusi.
«Novaja redakcyja Pravił viadzieńnia rybałoŭnaj haspadarki i rybałoŭstva była pryniataja ŭ 2015 hodzie. I ciapier terminy viasnovaj zabarony na łoŭlu ryby dyfierencyravanyja pa rehijonach. U paŭdniovych abłaściach krainy — Bresckaj i Homielskaj — zabarona dziejničaje z 20 sakavika pa 18 maja», — rastłumačyli ŭ Dziaržinśpiekcyi.
Zabarona na łoŭlu ryby ŭ Minskaj, Mahiloŭskaj i Hrodzienskaj abłaściach budzie dziejničać z 1 krasavika pa 30 maja, u Viciebskaj vobłaści — z 10 krasavika pa 8 červienia. «Heta źviazana z tym, što na poŭdni Biełarusi nierast pačynajecca raniej u paraŭnańni z centralnymi i tym bolš paŭnočnymi rehijonami», — padkreślili ŭ pres-słužbie.
U pieryjad zabarony dazvalajecca rybačyć adnoj vudaj z adnym kručkom abo adnym śpininham, asnaščanym štučnaj prynadaj, z adnym adzinarnym, dvajnym ci trajnym kručkom u śvietły čas sutak ź bieraha (biez zachodu ŭ vadu) albo ź lodu.
Za kožnuju niezakonna zdabytuju asobinu parušalniki buduć abaviazanyja pakryć pryčynienuju pryrodzie škodu, jakaja ŭ čas zabarony vyličvajecca ŭ trochrazovym pamiery. Da prykładu, za adnu asobinu lašča, vyłaŭlenuju niezakonna, škoda składzie 1,89 młn rubloŭ (9 bazavych vieličyń), soma jeŭrapiejskaha — 2,52 młn (12 bazavych), linia — 3,78 młn (18 bazavych). Akramia taho, parušalniki mohuć być pryciahnutyja da kryminalnaj adkaznaści, kali pamier škody pieravysić 100 bazavych vieličyń (adna bazavaja ciapier składaje 210 tys.).
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA14
Kamientary