U Biełarusi 20 sakavika ŭviedziena markiroŭka vyrabaŭ z naturalnaha futra kantrolnymi (identyfikacyjnymi) znakami z užyvańniem funkcyjanalnych bieskantaktavych i abaronienych radyjočastotnych mietak (RFID-paznak).
Jak paviedamlaje pres-słužba Ministerstva handlu, ź siońniašniaha dnia markiroŭcy padlahajuć usie pradmiety adzieńnia z futra, jakija kłasifikujucca kodami adzinaj Tavarnaj namienkłatury źniešnieekanamičnaj dziejnaści Jeŭrazijskaha ekanamičnaha sajuza.
Minhandlu źviartaje ŭvahu, što z nazvanaj daty zabaraniajucca nabyćcio, transparciroŭka, zachoŭvańnie, vykarystańnie i realizacyja na terytoryi Biełarusi jurydyčnymi asobami i indyvidualnymi pradprymalnikami tavaraŭ, nazvanych u pieraliku tavaraŭ, jakija padlahajuć markiroŭcy kantrolnymi (identyfikacyjnymi) znakami, infarmacyja ab jakich padlahaje ŭniasieńniu ŭ mižviedamasnuju raźmierkavanuju infarmacyjnuju sistemu «Bank dadzienych elektronnych pašpartoŭ tavaraŭ».
Rekamiendacyi subjektam haspadarańnia pa markiroŭcy pradmietaŭ adzieńnia z naturalnaha futra kantrolnymi znakami raźmieščanyja na sajcie MPZ.
Markiroŭka była ŭviedzienaja pastanovaj Savieta ministraŭ ad 11 lutaha 2016 h. № 115. Hety dakumient u svaju čarhu byŭ pryniaty ŭ adpaviednaści z ukazam prezidenta ad 17 listapada 2015 h. № 462. Jak paviedamlała pres-słužba ŭrada, dadzienyja patrabavańni ustanoŭleny z ulikam realizujucca na terytoryi krain — členaŭ Jeŭrazijskaha ekanamičnaha sajuza mier pa ŭviadzieńni sučasnaj sistemy markiroŭki tavaraŭ z naturalnaha futra.
«Pastanova nakiravanaja na ŭzmacnieńnie kantrolu za ŭvozam, pieramiaščeńniem, zachoŭvańniem adzieńnia z naturalnaha futra, a taksama praduchileńnie ŭciahvańnia ŭ cieniavy abarot takich vyrabaŭ», — adznačałasia ŭ paviedamleńni.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA14
Kamientary