Kniharnia «Halijafy» (vuł.Staravlenskaja, 6). 19.00.
22 sakavika a 19-j hadzinie ŭ kniharni «Halijafy» (vuł. Staravilenskaja, 6, što ŭ Trajeckim pradmieści) adbudziecca tvorčy viečar piśmieńnicy Ludmiły Rubleŭskaj. Nahoda – u śviet vyjšli adrazu try novyja knihi aŭtara!
Za apošnija hady mała chto nie čuŭ imiony Pranciša Vyrviča i Baŭtramieja Lodnika, znakamitych avanturystaŭ. U hety viečar Ludmiła Rubleŭskaja pradstavić čaćviortuju častku pryhodnickaj sahi, jakaja zusim niadaŭna vyjšła ŭ elektronnaj viersii. U knizie avanturna-pryhodnickaha cykłu zahonny šlachciuk Pranciš Vyrvič i połacki doktar Baŭtramiej Lodnik znoŭ vypraŭlajucca ŭ pryhody. Na hety raz jany traplajuć u Francyju, dzie Lodnik pracuje razam ź viadomym navukoŭcam Žanam Žylibieram. Lodnika ŭciahvajuć u tajemnaje tavarystva, što zajmajecca złačynnymi apieracyjami na ludziach. Prancišu Vyrviču daviadziecca ryzyknuć žyćciom, kab vyzvalić starejšaha siabra. A pa viartańni na radzimu – novyja pryhody… Vas zachopiać cudoŭnaja mova i aŭtarski humar, nievierahodnyja pavaroty siužetu, zachaplajučaja atmaśfiera stahodździa «płašča i kinžału», sapraŭdnyja tajamnicy biełaruskaj historyi
Źjaviłasia i ruskaje vydańnie samaj pieršaj častki hetaj knižnaj sieryi – «Avantiury Prantiša Vyrviča, školara i špika». Kniha maje papiarovuju i elektronnuju viersiju. Spampavać jaje možna ŭmomant na kniharnia.by.
Siužet treciaj knihi Ludmiły Rubleŭskaj «Dahieratyp» pačynajecca ŭ našu epochu: małady bijołah Haljaš rychtujecca źjazdžać za miažu, ale, raźbirajučy rečy ŭ dziedavaj kvatery, znachodzić stary dziońnik… Pierad čytačom paŭstajuć tajamničyja padziei kanca XIX stahodździa. Uładalniki fotaatelje pravincyjnaha biełaruskaha haradka, pryhažunia Bahusłava i jaje baćka Varaksa Nichiel, jakija śpiecyjalizujucca na partretach post mortem - adlustravańniach niabožčykaŭ, vymušanyja vypravicca ŭ ekśpiedycyju, kab sfatahrafavać nievierahodnuju etnahrafičnuju kalekcyju ŭ hłuchim i złaviesnym majontku Žuchavičy. Ciapierašniaha ŭładalnika majontka, kniazia Šymona Kahanieckaha, miascovyja sialanie ličać vaŭkałakam. Dyj Bahusłava z baćkam zusim nie tyja, za kaho siabie vydajuć… Ramantyčnaja i žudasnaja historyja znachodzić razhadku tolki ŭ naš čas.
Hety pryhodnicki raman vydadzieny tolki ŭ elektronnaj viersii, dziakujučy čamu dastupny zaŭsiody i paŭsiudna – aby byŭ internet.
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary