Juryj Zisier: U Baskina i kampanii jość niejkija srodki, tamu jon i adkupiŭsia. A Čyž u daŭhach jak u šaŭkach
22 sakavika sa śledčaha izalatara KDB vypuścili hieneralnaha dyrektara hrupy kampanijaŭ «Servaluks» Jaŭhiena Baskina.
Načalnik pres-słužby Kamitetu dziaržbiaśpieki Biełarusi Dźmitry Pabiaržyn u interviju BiełaPAN paviedamiŭ, što Jaŭhien Baskin, zatrymany KDB 15 sakavika, pieraviedzieny pad chatni aryšt. Pavodle nieaficyjnaj infarmacyi, Baskin kampensavaŭ usiu sumu naniesienaj im, pavodle śledztva, škody.
Zasnavalnik partału tut.by Jury Zisier takim čynam prakamentavaŭ vypusk Jaŭhiena Baskina ź izalataru KDB:
— Nichto tołkam nia viedaje, što nasamreč adbyvajecca ŭ vyšejšych ešalonach ułady, što heta za ździełka.
Samaja vierahodnaja versija — što dziaržava takim čynam sprabuje papoŭnić biudžet. U nas niama aliharchaŭ, a biznesmeny nie samastojnyja i nie takija ŭžo i zamožnyja. U Biełarusi adbyvajecca źlićcio biznesoŭcaŭ z uładaj.
Pakolki biełaruski biznes paraŭnalna niebahaty, u nas niama dalaravych miljarderaŭ, i papoŭnić istotna biudžet takim čynam niemahčyma.
Mnie chutčej bačycca siłavy padychod: vierahodna, ułady zdabyli niejki kampramat na biznesoŭcaŭ, jaki ciapier adpracoŭvajuć.
— A ci možna čakać, što Juryja Čyža taksama mohuć vyzvalić pry ŭmovie kampensacyi naniesienaj škody?
— Ciažka skazać, niezrazumieła, što tam adbyvajecca. Moža, spadaru Čyžu niama čym pakryvać straty. U Baskina i kampanii jość niejkija srodki, tamu jon i adkupiŭsia. A Čyž u apošnija paŭtara hoda zusim vytraciŭsia i ŭ daŭhach jak u šaŭkach. Moža, u jaho niama nieabchodnaj sumy dla vykupu. Znoŭ ža, my ž nia viedajem, što tam nasamreč, tolki vykazvajem zdahadki.
Kamientary