Abanienty life:) buduć płacić 100 tysiač, kali skasujuć damovu mienš čym praz try miesiacy karystańnia pasłuhami
Apieratar life:) na aficyjnym sajcie paviedamiŭ ab tym, što z 25 krasavika 2016 h. ŭnosiacca źmieny ŭ publičny dahavor ab akazańni pasłuh elektrasuviazi (zaklučajecca pamiž kampanijaj i abanientami).
Damova dapaŭniajecca punktam 8.2.1, jaki abviaščaje, što ŭ vypadku skasavańnia damovy pa inicyjatyvie abanienta na praciahu 90 dzion z momantu zaklučeńnia damovy, abanient pakryvaje apierataru «paniesienyja vydatki pa padklučeńni da sietki suviazi i aktyvacyi abanienckaha numara».
Z 25 krasavika ŭkazany taryf budzie składać 100 tysiač rubloŭ. Pry hetym jość šerah katehoryj hramadzian, jakija vyzvalajucca ad płaciažu:
fizičnyja i jurydyčnyja asoby, što daterminova i ŭ poŭnym abjomie vykanali hrašovyja abaviazacielstvy pa prapanovach, jakija praduhledžvajuć pieradaču ŭ karystańnie kancavych abanienckich pryład;
jurydyčnyja asoby, jakija absłuhoŭvajucca na ŭmovach pieradapłaty pasłuhaŭ;
fizičnyja i jurydyčnyja asoby, skasavańnie damovy ab akazańni pasłuh elektrasuviazi ź jakimi adbyvajecca ŭ suviazi ź pieranosam numara ŭ sietku inšaha apieratara suviazi.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary