Sud apraŭdaŭ kiroŭcu, jakoha abvinavačvali ŭ niezakonnym padvozie pasažyra
Ekanamičny sud Minskaj vobłaści 13 krasavika pastanaviŭ spynić spravu ŭ dačynieńni da vadziciela Ivana Saponienki, jakoha abvinavačvali ŭ niezakonnym padvozie pasažyra.
«Spynić spravu za niedakazanaściu viny», — pastanaviŭ sudździa Uładzimir Ciciankoŭ.
Nahadajem, 15 sakavika Ivan Saponienka biaspłatna padvioz pasažyra z pasiołka Śvisłač u Minsk. Transpartnaja inśpiekcyja rascaniła heta jak niezakonnuju pradprymalnickuju dziejnaść (č. 1 art. 12.7 KoAP). Kiroŭca nastojvaŭ, što hrošaj u spadarožnika nie braŭ i nie patrabavaŭ.
Pasažyr Jaŭhien Špakovič patłumačyŭ u sudzie, što pa ŭłasnaj inicyjatyvie pakinuŭ na padłakotniku pamiž siadzieńniami 25 tysiač rubloŭ. Jon nie viedaje, ci bačyŭ heta Saponienka.
«Košt pajezdki nie abviaščaŭsia. Ja sam vyrašyŭ zapłacić u jakaści padziaki», — zajaviŭ Špakovič.
Pradstaŭniki transpartnaj inśpiekcyi nastojvali, što atrymali ad lehalnych pieravozčykaŭ skarhu, što ŭpaŭ pasažyrapatok, bo žychary Minska i rajona padvoziać ludziej na asabistych aŭto. Nibyta ŭ hetaj skarzie zhadvajecca i mašyna Saponienki.
Adnak sud pastanaviŭ, što vina kiroŭcy nie dakazanaja, i spyniŭ spravu.
Advakat Ivana Saponienki taksama nakiravaŭ skarhu na niepravamiernyja dziejańni supracoŭnika transpartnaj inśpiekcyi, jaki skłaŭ pratakoł u dačynieńni da jaho daviernika.
Kamientary