«Linija Stalina — nie miemaryjał, a cyničny biznes, world of tanks u afłajnie, jurassic-stalin park, sposab prymazacca»
Piša Pavieł Cieraškovič.
Učora vaziŭ dvaich niamieckich historykaŭ, Dyjanu Zibert i Tomasa Bona (Diana Siebert i Thomas Bohn) na Liniju Stalina. Jany tak paprasili. Sam tam nikoli nie byŭ. Pahladzieŭ sajt, zaŭvažyŭ prapanovu pra animacyjnuju prahramu «Hitler kaput!», ujaviŭ siabie jak by my tudy ŭpisalisia. Žach.
Ščyra kažučy, čakaŭ ubačyć čarhovy saviecki miemaryjał, ale na samoj spravie ŭsie nie tak. Uražvaje ahulny disorder. Byłyja miemaryjały byli praciaham kazarmy — savieckaha aazisu čyścini i prymityŭnaha razumieńnia paradku, tut ža vystava ŭzbrajeńnia (bieźlič tankaŭ, rakietaŭ, samalotaŭ) zbolšaha nahadvaje zvałku mietałałomu. Chapaje i śmiećcia — płastyku z-pad piva — i ŭ BMPškach časoŭ afhanskaj vajny (jakija, jak ja razumieju, padajuć jak niamieckuju braniatechniku) i, navat, u niešmatlikich aŭtentyčnych kapanirach.
Uražvaje adsutnaść niejkaj ahulnaj dumki, chaatyčnaść, eklektyka: pomniki Stalinu i Žukavu na parkoŭcy, pravasłaŭnaja cerkaŭka, nieviadoma dziela čaho pieraviezienyja z-pad Baranavič frahmienty polskich fartyfikacyjnych zbudavańniaŭ i absalutna niedarečny ŭ hetym kantekście psieŭdaetnahrafičny sialanski dvor z sažałkaj (!) i płyvučym damkom na joj dla praviadzieńnia karparatyvaŭ (!).
Samyja vialikija prastory addadzienyja pad dekaracyi dla vajskovych šoŭ-rekanstrukcyj. I acalełym zbudavańniam minskaha umacavanaha rajonu, darečy, pomnika historyi, adviedzienaja taja ž rola dekaracyj. Ale, pa vialikim rachunku, stvaralnikam usiaho hetaha treba skazać vialiki dziakuj, bo lepšaj desakralizacyi Stalina ŭjavić siabie było b niemahčyma.
Apafieoz — heta hatel (ci haściny dvor) «U Stalina» ź vializnym biustam Lenina na padvorku i zaprašeńniem na šašłyki.
Uvohule heta zusim nie miemaryjał savieckaha ŭzoru. Tam pamiaćciu nie handlavali. A tut usio na prodaž. Heta prosta biznes, world of tanks u afłajnie, atrakcyjon, handal vidoviščami i adčuvańniami (streł z kulamiota — 30 tysiač, katańnie na tanku — 2 miljony). Heta Jurassic-Stalin park, u jakim Stalin nie tyranazaŭr i, navat, nie raptar, a tak — handlovy brend, sposab prymazacca da niečaha viadomaha, kštałtu šakaładnych «jajek» Mocarta, ci blavotnaha brendzi Napoleon. Słovam, Koba-Sola. I tudy jamu i daroha.
Apytanka
-
«Łukašenka ŭjaŭlaje, što Polšča mahła b admovicca ad padtrymki biełaruskaj apazicyi ŭ abmien na Pačobuta. Hetaha nie budzie»
-
Chalezin: Treba pytacca «što vy vytvarajecie» nie ŭ Babaryki, a ŭ jaho daradcaŭ
-
«Siadžu ŭ trusach, zamiarzaju». U sacsietkach vyśmiejali čarhovuju strašyłku ANT pra «zamiarzajučuju Jeŭropu»
Ciapier čytajuć
Andrej Švied, architektar represij, pryznačany staršynioj Viarchoŭnaha suda10
Kamientary