Vaŭkavyskim rajonnym adździełam Śledčaha kamiteta raspačata kryminalnaja sprava ŭ dačynieńni da žycharki Vaŭkavyska Charytonik Valanciny Jakaŭleŭny, 1961 hoda naradžeńnia, buchhałtara raźlikova-kasavaha centra adnoj z bankaŭskich ustanoŭ horada, što padazrajecca ŭ ździajśnieńni ašukanskich dziejańniaŭ u asabliva bujnym pamiery (č.4 art.209 KK RB).
Z zajavami ab ździajśnieńni złačynstva źviarnulisia siamiora žycharoŭ Vaŭkavyska, jakija źjaŭlajucca svajakami i siabrami Charytonik.
Jany skazali, što z 2012 pa sakavik 2016 hoda žančyna ŭziała ŭ ich u pazyku hrašovyja srodki, ahulnaja suma jakich pieravyšaje 2 miljardy 200 miljonaŭ rubloŭ. Abiacała atrymańnie pavyšanych pracentaŭ za karystańnie hrašyma, abhruntoŭvajučy svajoj pasadaj u banku.
27 sakavika 2016 h. nie majučy namieru viartać uziatyja hrašovyja srodki, Valancina Charytonik padčas svajho adpačynku vyjechała ŭ Maskvu razam z mužam i dačkoj.
Pry hetym vyviezła z chaty bolšaść rečaŭ, a svajakam pakinuła list, u jakim paviedamiła pra niežadańnie viartać im uziatyja ŭ pazyku hrošy.
U chodzie rasśledavańnia kryminalnaj spravy śledčyja nakłali aryšt na dom, ziamielny ŭčastak i vyjaŭlenuju padčas pieratrusu majomaść padazravanaj. Ab vypadku prainfarmavana bankaŭskaja ŭstanova, u jakim pracavała Charytonik. Pavodle papiaredniaj infarmacyi, z boku pracadaŭcy pretenzij materyjalnaha płana da buchhałtara nie majecca. Kančatkova hetaje pytańnie budzie vyśvietlena ŭ chodzie dalejšaha rasśledavańnia kryminalnaj spravy.
Sumiesna z supracoŭnikami milicyi pravodzicca rabota, nakiravanaja na vyśviatleńnie miescaznachodžańnia źnikłaj padazravanaj. Akramia taho, ustanaŭlivajucca inšyja hramadzianie, jakija mahli paciarpieć ad dziejańniaŭ Charytonik V.Ja. Źviartacca pa hetym pytańni, a taksama akazać dapamohu ŭ rasśledavańni možna pa telefonach: (8-01512) 7-51-69 abo 102.
Kamientary