Ravarysta Palijenku aštrafavali na 12,6 miljona. Ale kryminalny pieraśled nie spynili
12 traŭnia sacyjalnaha aktyvista Źmitra Palijenku ŭ Centralnym sudzie Miensku aštrafavali na 60 bazavych vieličyń za ŭdzieł u niesankcyjanavanym pikiecie 18 krasavika kala rasiejskaj ambasady.
Heta była akcyja salidarnaści z ukrainskaj lotčycaj Nadziejaj Saŭčankaj. Napieradzie ŭ Palijenki jašče śledztva pa kryminalnaj spravie za nibyta supraciŭ milicyjantu padčas akcyi ravarystaŭ «Krytyčnaja masa», jakaja adbyłasia 29 krasavika. Mahčyma, paźniej aktyvista čakaje sud pa abvinavačańni, za jakoje mohuć pakarać 6 hadami źniavoleńnia. Śledztva praciahvajecca, Źmitra Palijenku pa-raniejšamu trymajuć u Žodzinskaj turmie № 8.
Admietna, što siońnia ŭ Centralny rajonny sud Źmitra Palijenku tak i nie dastavili. «Adsutničaje ź nieviadomych pryčyn, byŭ svoječasova prainfarmavany», — paviedamiŭ sakratar sudu. Supracoŭnik Centralnaha RUUS milicyjant Leanid Nuprevič vykazaŭsia za toje, kab aktyvista sudzili zavočna. Sudździa Viktoryja Šabunia z hetym pahadziłasia, a ŭžo praz paŭhadziny pastanaviła: Palijenku aštrafavać na 12 miljonaŭ 600 tysiač rubloŭ. Heta ŭžo druhi za miesiac štraf aktyvistu. Raniej, hetaksama zavočna, jaho aštrafavali za akcyju suproć rasiejska-biełaruskaha jadnańnia, jakaja adbyłasia 2 krasavika.
Siońnia ŭ Centralnym sudzie Miensku taksama pačali razhlad administracyjnaj spravy naziralnika BCHK Kiryła Kaženava. Ranicaj u DAI jon byŭ aštrafavany na 2 bazavyja vieličyni za parušeńnie praviłaŭ darožnaha ruchu padčas akcyi «Krytyčnaja masa». Administracyjny praces nad Kiryłam Kaženavym adkłali, kab vypravić dakumenty ŭ spravie.
Taksama 12 traŭnia ŭ DAI byli aštrafavanyja ravarysty Alaksiej Adamovič (na 2 bazavyja vieličyni), Kirył Padabied i Dźmitry Pachomaŭ (pa adnoj bazavaj vieličyni kožny). Administracyjny sud nad Alaksiejem Adamovičam jašče praciahvajecca.
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary