Buduć pierajmienavanyja 1300 vulic, nazvy jakich źviazanyja z kamunizmam.
Prezident Polščy Andžej Duda 20 maja padpisaŭ zakon ab zabaronie prapahandy kamunizmu. U budučym hodzie z hramadskaj prastory ŭ Polščy pavinny źniknuć nazvy, źviazanyja z kamunizmam.
1 krasavika hetaha hoda polski Siejm pryniaŭ admysłovy zakon ab zabaronie prapahandy kamunizmu. Deputat kirujučaj partyi «Prava i Spraviadlivaść» Jarasłaŭ Krajeŭski zajaŭlaŭ, što pryniaćcie hetaha zakona stanie simvaličnym zakančeńniem kamunizmu ŭ Polščy. Jon nahadaŭ, što ŭ polskich haradach nazvy 1300 vulic źviazanyja z kamunizmam. Krajeŭski nazyvaŭ vulicy imia Fieliksa Dziaržynskaha, Čyrvonaj Armii, Vandy Vasileŭskaj, Marcelija Navotki.
Paśla padpisańnia zakona prezidentam u orhanaŭ miascovaha samakiravańnia budzie 15 miesiacaŭ na toje, kab pravieści hramadskija kansultacyi, jakija tyčacca pierajmienavańnia vulic. U vypadku prablem ź interpretacyjaj nazvaŭ orhany miascovaha samakiravańnia mohuć źviarnucca ŭ Instytut nacyjanalnaj pamiaci.
Varta adznačyć, što zakon nie tyčycca pomnikaŭ, abieliskaŭ i miemaryjalnych došak.
Ciapier čytajuć
Babaryka paśla sustrečy z Pratasievičam trapiŭ u ŠIZA1
Kamientary