Sud Zavodskaha rajona Minska prysudziŭ da 9 hadoŭ kałonii strohaha režymu Valancina Siańko — fihuranta spravy ab rezanansnym DTZ z hibiellu dvuch čałaviek, jakoje adbyłosia na Partyzanskim praśpiekcie ŭ Minsku ŭ vieraśni 2015 hoda.
Sud pryznaŭ abvinavačanaha vinavatym pa č.5 art.317 KK (parušeńnie praviłaŭ darožnaha ruchu abo ekspłuatacyi transpartnych srodkaŭ asobaj, jakaja kiruje transpartnym srodkam u stanie ałkaholnaha apjanieńnia, što paciahnuła pa nieaściarožnaści śmierć dvuch abo bolš asob).
Akramia taho svajakam zahinułych Siańko pavinien vypłacić 150 miljonaŭ rubloŭ (100 miljonaŭ siamji zahinułaj dziaŭčyny i 50 miljonaŭ – siamji, dzie zahinuŭ mužčyna).
Jak paviedamlałasia, abvinavačany nie mieŭ pravoŭ kiravańnia i znachodziŭsia ŭ momant DTZ ŭ stanie ałkaholnaha apjanieńnia, ale ŭsio roŭna sieŭ za rul aŭtamabila Honda Concerto. U niejki momant jon nie spraviŭsia z kiravańniem, vyjechaŭ za miežy prajeznaj častki i ŭrezaŭsia ŭ mačtu vuličnaha aśviatleńnia. U vyniku DTZ zahinuli jakija jechali ź im 23-hadovaja dziaŭčyna i 39-hadovy mužčyna. Jašče adzin 32-hadovy pasažyr byŭ špitalizavany z traŭmami. Pjany kiroŭca schavaŭsia ź miesca avaryi i paźniej byŭ zatrymany supracoŭnikami orhanaŭ unutranych spraŭ.
Spačatku jon pad achovaj znachodziŭsia ŭ balnicy - jamu akazvali miedycynskuju dapamohu. Z pałaty Siańko vykłaŭ svajo fota z podpisam «Prabačcie za ŭsio … ja nie sa zła (((».
Na pieršapačatkovym etapie rasśledavańnia jon śćviardžaŭ, što mašynaj kiravaŭ mužčyna, jaki zahinuŭ, adnak vyniki ekśpiertyz abvierhli hetyja pakazańni.
Akramia taho, Siańko pazbaŭleny prava kiravać transpartnymi srodkami na termin 5 hadoŭ i pavinien zapłacić štraf pamieram 200 bazavych vieličyń (42 młn rubloŭ).
Prysud jašče nie ŭstupiŭ u siłu i moža być abskardžany.
Valancin Siańko naradziŭsia ŭ 1991 hodzie. Jon nie žanaty, aficyjna zarehistravany jak ramieśnik. Raniej jon užo byŭ asudžany na 5 hadoŭ abmiežavańnia voli za naniasieńnie ciažkich cialesnych paškodžańniaŭ, ale ŭvieś termin nie adbyŭ, trapiŭ pad amnistyju.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma8
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary