Śledčyja: Nijakija čatyry vučni nie napadali, u kabiniecie piedahoh i dzieviacikłaśnik znachodzilisia ŭdvaich
Śledčyja spadziajucca, što zmohuć siońnia apytać piedahoha, jakoha paraniŭ vučań. 57-hadovaja žančyna pryjšła ŭ siabie, ale znachodzicca ŭ stabilna-ciažkim stanie.
Pra heta paviedamiŭ kiraŭnik pres-słužby Śledčaha kamiteta Siarhiej Kabakovič.
Pradstaŭnik SK taksama raspavioŭ, što praciahvajecca pošuk srodku napadu. «Šukajem zbroju», - adznačyŭ jon.
U viedamstvie abvierhli šmatlikija čutki pra incydent — što napali na nastaŭnika čaćviora vučniaŭ, adzin ź jakich i ŭdaryŭ vykładčyka niekalki razoŭ vostrym pradmietam, a taksama što vyratavaŭ žančynu nastaŭnik pracy, jaki siakieraj uzłamaŭ dźviery kabinieta.
«U kabiniecie piedahoh i vučań znachodzilisia ŭdvaich — heta vyznačany fakt», - adznačyŭ Siarhiej Kabakovič.
57-hadovaja paciarpiełaja ŭžo pryjšła ŭ siabie, ale znachodzicca ŭ stabilna-ciažkim stanie. U SK spadziajucca, što siońnia miedyki dazvolać joj parazmaŭlać sa śledstvam.
Pra dzieviacikłaśnika, jaki ździejśniŭ napad viadoma niašmat — u jaho dobryja charaktarystyki, jon z dobraj siamji.
«Ź im pracujuć śledčyja, pryznačany šerah ekśpiertyz, u tym liku i psichołaha-psichijatryčnaja ekśpiertyza», — paviedamili ŭ SK.
Nahadajem, ranicaj 23 maja nastaŭnika adnoj sa staličnych himnazij staršakłaśnik niekalki razoŭ udaryŭ vostrym pradmietam. Jaje špitalizavali ŭ ciažkim stanie.
Zaviedziena kryminalnaja sprava pa prykmietach złačynstva, praduhledžanaha č.1 art. 14 i č.2 art. 139 Kryminalnaha kodeksa Biełarusi (Zamach na zabojstva). Staršakłaśnik zatrymany.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina22
Kamientary