Следчыя: Ніякія чатыры вучні не нападалі, у кабінеце педагог і дзевяцікласнік знаходзіліся ўдваіх
Следчыя спадзяюцца, што змогуць сёння апытаць педагога, якога параніў вучань. 57-гадовая жанчына прыйшла ў сябе, але знаходзіцца ў стабільна-цяжкім стане.
Пра гэта паведаміў кіраўнік прэс-службы Следчага камітэта Сяргей Кабаковіч.
Прадстаўнік СК таксама распавёў, што працягваецца пошук сродку нападу. «Шукаем зброю», - адзначыў ён.
У ведамстве абверглі шматлікія чуткі пра інцыдэнт — што напалі на настаўніка чацвёра вучняў, адзін з якіх і ўдарыў выкладчыка некалькі разоў вострым прадметам, а таксама што выратаваў жанчыну настаўнік працы, які сякерай узламаў дзверы кабінета.
«У кабінеце педагог і вучань знаходзіліся ўдваіх — гэта вызначаны факт», - адзначыў Сяргей Кабаковіч.
57-гадовая пацярпелая ўжо прыйшла ў сябе, але знаходзіцца ў стабільна-цяжкім стане. У СК спадзяюцца, што сёння медыкі дазволяць ёй паразмаўляць са следствам.
Пра дзевяцікласніка, які здзейсніў напад вядома няшмат — у яго добрыя характарыстыкі, ён з добрай сям'і.
«З ім працуюць следчыя, прызначаны шэраг экспертыз, у тым ліку і псіхолага-псіхіятрычная экспертыза», — паведамілі ў СК.
Нагадаем, раніцай 23 мая настаўніка адной са сталічных гімназій старшакласнік некалькі разоў ударыў вострым прадметам. Яе шпіталізавалі ў цяжкім стане.
Заведзена крымінальная справа па прыкметах злачынства, прадугледжанага ч.1 арт. 14 і ч.2 арт. 139 Крымінальнага кодэкса Беларусі (Замах на забойства). Старшакласнік затрыманы.
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам4
Каментары