Try čałavieki byli zatrymanyja polskaj palicyjaj pa padazreńni ŭ płanavańni vybuchu ŭ adnym sa staličnych palicejskich učastkaŭ. Pra heta paviedamili na bryfinhu ŭ prakuratury Varšavy pradstaŭniki pravaachoŭnych orhanaŭ.
Pa słovach pres-sakratara varšaŭskaj palicyi Maryjuša Mrozeka, «była atrymanaja infarmacyja pra padrychtoŭku napadu na palicejski ŭčastak rajona Vłochi ŭ Varšavie», paśla čaho za abjektam ustalavali dbajnaje nazirańnie.
La ŭčastka źjavilisia troje maładych ludziej, dvoje ź jakich pasprabavali prymacavać da palicejskich aŭtamabilaŭ niejkija pakunki. «Jak akazałasia, heta samarobnyja vybuchovyja pryłady, jakija składajucca ź dźviuch butelek, vybuchoŭnika i miechanizmu, jaki pavinien byŭ dazvolić im adyści na biaśpiečnuju adlehłaść», — adznačyŭ Mrozek.
Maładyja ludzi va ŭzroście ad 18 da 35 hadoŭ sprabavali ŭciačy ź miesca złačynstva, ale ŭsie troje byli zatrymanyja. Na miesca incydentu byli vyklikanyja sapiory.
«Zatrymanyja dapytanyja. Jany nie pryznali svaju vinu i admovilisia davać pakazańni. My nie viedajem ich matyvaŭ», — dadaŭ priecc-sakratar prakuratury Michał Dziekański. «Im vystaŭlenyja abvinavačańni ŭ nielehalnym zachoŭvańni vybuchovych rečyvaŭ i raźmiaščeńni ich na palicejskich aŭtamabilach, što pahražała vybucham», — skazaŭ jon.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary