Ratavalniki tłumačać, dzie ŭ lesie možna razvodzić vohniščy, a dzie nielha
Chutka nastupić leta — čas aktyŭnaha adpačynku na pryrodzie. Dobraje nadvorje tak i kliča vyjechać u les i pasiadzieć u kole siabroŭ la vohnišča. Adnak nie varta zabyvać, što nieabdumanaje abychodžańnie z ahniom čaściakom pryvodzić da trahičnych vynikaŭ. Lehkadumnaść i niadbajnaść ŭ hetym pytańni mohuć vyklikać niezvarotnyja nastupstvy, takija jak lasny pažar, zdolny źniščyć na svaim šlachu mnostva dreŭ, źviaroŭ, a časam i ludziej.
Minskaja abłasnaja inśpiekcyja achovy žyviolnaha i raślinnaha śvietu nahadvaje, što ŭ adpaviednaści z Praviłami pažarnaj biaśpieki ŭ lasach u pažaraniebiaśpiečny siezon zabaraniajecca:
— razvodzić vohniščy ŭ chvojnych niesamknionych lasach (vyšynioj drevaŭ da 1 m) i maładniakach (vyšynioj da 15 m), na učastkach paškodžanaha lesu (vietravału i burałomu), tarfianikach, u miescach z padsochłaj travoj;
— pakidać niepatušanyja krynicy hareńnia, tleńnia (padpalenyja zapałki, niedakurki i inš.);
— pakidać pramaślenyja abo prasiaknutyja lohkaŭzharalnymi i haručymi vadkaściami ci inšymi haručymi rečyvami materyjały (papieru, tkanina, vatu i inš.);
— zapraŭlać paliŭnyja baki mašyn i miechanizmaŭ u nieŭstanoŭlenych miescach, a taksama pry ŭklučanych ruchavikach;
— vykarystoŭvać mašyny ź niaspraŭnaściami, jakija pryvodziać da vyciakańnia lohkaŭzharalnych i haručych vadkaściaŭ, kuryć abo karystacca adkrytym ahniom pablizu mašyn, jakija zapraŭlajucca palivam;
— vypalvać suchuju travu.
Raźviadzieńnie vohniščaŭ dapuskajecca (u tym liku z vykarystańniem prystasavańniaŭ:
manhałaŭ, barbiekiu, hryl, hazavych plit na ŭładkavanych placoŭkach, abramlenych minieralizavanaj pałasoj šyrynioj nie mienš za 0,25 m, a taksama ŭ miescach, jakija vyklučajuć paškodžańnie ahniom drevaŭ. Vohnišča pavinna być patušana da poŭnaha spynieńnia tleńnia.
Za raźviadzieńnie vohniščaŭ u zabaronienych miescach moža być pryznačany štraf da 12 bazavych vieličyń. Za parušeńnie patrabavańniaŭ pažarnaj biaśpieki ŭ lasach abo na tarfianikach abo zabarony na ich naviedvańnie — da 25 bazavych vieličyń. Za niezakonnyja dziejańni, jakija pryviali da źniščeńnia abo paškodžańnia lesu abo tarfianikaŭ — da 50 bazavych vieličyń z kampiensacyjaj naniesienaj škody.
-
Na biełaruskich aŭtamahistralach pastaviać čyrvona-zialonuju łaziernuju sistemu apaviaščeńnia
-
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii
-
Na «Biełsacie» zapuścili šou doŭhich hutarak z Hłafiraj Žuk
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii
Kamientary