Fotazdymak pary «ź lišnimi nahami» zabłytaŭ internet-karystalnikaŭ
U siecivie atrymaŭ papularnaść zdymak abdymkaŭ pary, jaki moža źbić z pantałyku niepadrychtavanaha hledača. Kadr apublikavaŭ karystalnik Reddit pad nikam Blood_Reaper.
Na fatahrafii — mužčyna i žančyna, jakija stajać u abdymku na bierazie vadajoma. Na pieršy pohlad moža zdacca, što nohi adnaho ź ich apynulisia nie na svaim miescy. «Heta ranić moj mozh», — napisaŭ aŭtar temy ŭ podpisy da fota.
Vakoł fatahrafii razharnułasia burnaje abmierkavańnie, sam kadr prahledzieli bolš za dva miljony razoŭ. Niekatoryja paraŭnali pabudovu kadra ź filmam «Pačatak».
U realnaści mužčyna na fatahrafii staić na piarednim płanie, žančyna — na zadnim. Iluzija «lišnich noh» uźnikaje z-za rasfarboŭki šortaŭ mužčyny. Jon apranuty ŭ dvuchkolernyja šorty, biełyja ŭ centry i čornyja pa krajach. Kontur biełaj častki supadaje z abrysami noh žančyny, z-za čaho zdajecca, što kancaviny pierabłytalisia.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary