Zialenski: Ja hatovy da pramych pieramoŭ z Pucinym, kab zaviaršyć hetuju vajnu
Prezident Ukrainy Uładzimir Zialenski zajaviŭ pra hatoŭnaść da pramych pierahavoraŭ z Pucinym i panarakaŭ na zaciahvańnie vizitu delehacyi ZŠA.
Prezident Ukrainy Uładzimir Zialenski padčas sumiesnaj pres-kanfierencyi z hienieralnym sakratarom NATA Markam Rute ŭ Kijevie padkreśliŭ, što Ukraina padtrymlivaje luby farmat dla spynieńnia bajavych dziejańniaŭ i nie moža dazvolić sabie čakać: «My na pastajannaj suviazi z amierykanskim bokam nakont našych pierahavorščykaŭ. My čakajem pryjezdu pierahavornaj hrupy, ale, na moj pohlad, vielmi doŭha. Na žal, dla ZŠA Ukraina zaraz nie ŭ fokusie — dla ich pytańnie Irana numar 1. Na žal, my znachodzimsia ŭ čarzie hetych vojnaŭ», — skazaŭ jon.
Zialenski skazaŭ hatovy da pramych pieramoŭ z prezidentam RF.
«My padtrymlivajem luby farmat, i ja hatovy da pramych pieramoŭ z Pucinym, kab zaviaršyć hetuju vajnu, čym čakać u čarzie, pakul usie skončać usie kanflikty ŭ śviecie, a potym dojdzie da nas».
Prezident Ukrainy pryznaŭ, što pryjezd anansavanych raniej pasłancoŭ prezidenta ZŠA Styva Uitkafa i Džareda Kušniera zaciahvajecca, i na hety momant niama vyznačanaści adnosna daty ich vizitu.
Kamientary
pa-pieršaje, čamu Ukraina pišacie, jak Ŭkraina? heta ž usio adno, jak raśsisija zamiest Biełaruś Biełoruśsija budzie pisać - to bok na svoj kapył
pa-druhoje, śpiecpradstaŭnik nie kazaŭ, što prezidentam. kazaŭ, što lidaram, ale jakoj krainy nie skazaŭ
pa-treciaje - čamu słova "prezident" pišacie ź vialikaj litary? fiłałahinia tak prykazała pisać?
U toj Cichanoŭskaj, napeŭna, ŭžo ikaŭka, stolki vy tut joj kości pałoščycie.