Śledčy kamitet Biełarusi rasśleduje kryminalnuju spravu ŭ dačynieńni da byłoha dyrektara SZAT «Mahiloŭski vahonabudaŭničy zavod» i jašče niekalkich čałaviek, paviedamili ŭ viedamstvie.
«Pavodle dadzienych śledstva, słužbovaj asobie byŭ pieradadzieny chabar pradstaŭnikom kamiercyjnaj struktury ŭ sumie $759,2 tys. za zaklučeńnie i svoječasovuju apłatu kantraktu pamiž zamiežnaj kampanijaj i SZAT «Mahiloŭski vahonabudaŭničy zavod» pra pastaŭku tavaru», — rastłumačyli ŭ kamitecie. Tam taksama dadali, što byłomu dyrektaru zavoda vystaŭlenaje abvinavačvańnie pa č.3 art.430 KK (atrymańnie chabaru), a jašče adnamu fihurantu — pradstaŭniku kamiercyjnaj struktury — pa č.2 art.431 KK (dača chabaru). Abvinavačanyja zaklučanyja pad vartu.
Śledstva vałodaje źviestkami i ab mahčymym dačynieńni pradstaŭnika kamiercyjnaj struktury da ździajśnieńnia jašče adnaho karupcyjnaha złačynstva. «Adnak abvinavačańnie jamu nie vystaŭlałasia — mužčyna znachodzicca ŭ statusie padazravanaha. U ciapierašni čas najaŭnaja ŭ śledstva infarmacyja praviarajecca», — rastłumačyli ŭ viedamstvie.
Ciapier čytajuć
Andrej Švied, architektar represij, pryznačany staršynioj Viarchoŭnaha suda20
Kamientary