Paśla miesiačnych pieramovaŭ z uładami horadu Poznań było damoŭlena ab pryznańni Biełaruskamu Kulturna-Aśvietnickamu Centru ŭłasnaje siadziby. Rašeńnie ab pryznańni pamiaškańnia pryniaŭ vice-mer horadu Maciej Frankievič.
Da hetaj pary arhanizacyja mieła vyklučna naminalnuju siadzibu. Pamiaškańnie mieścicca ŭ Hrupie Handlovych Škoł, što pobač ź mižnarodnym kirmašom u centry horadu. Damova z kiraŭnikom budynku padpisanaja na try hady, da krasavika 2009 h. Siadzibu planujecca abstalavać kamputaram, videatechnikaj i arhanizavać u joj biełaruskuju biblijateku. U pamiaškańni Biełaruskaha Centru budzie taksama mieścicca stałaja ekspazycyja pracaŭ biełaruskich mastakoŭ, jakija žyvuć u Poznani. Adkryćcio novaj siadziby z udziełam zaprošanych haściej i siabroŭ arhanizacyi adbudziecca ŭ pałovie traŭnia.
Vital Voranaŭ, Poznań
Kamientary