KDB: Baskin całkam pahasiŭ škodu i adpuščany pad padpisku ab niavyjeździe
Rasśledavańnie kryminalnaj spravy ŭ dačynieńni da Jaŭhiena Baskin i jaho kaleh pa «Siervaluksu» praciahvajecca. Biznesmen adpuščany pad padpisku ab niavyjeździe. Pra heta raspavioŭ načalnik pres-słužby KDB Biełarusi Dźmitryj Pabiaržyn.
«Rasśledavańnie praciahvajecca. U suviazi z tym, što Jaŭhien Baskin całkam kampiensavaŭ škodu, źmienienaja miera strymańnia pad padpisku ab niavyjeździe i naležnych pavodzinach», - raspavioŭ pradstaŭnik Kamiteta dziaržbiaśpieki.
Jakuju sumu kampiensavaŭ Baskin - nie paviedamlajecca.
Nahadajem, 14 sakavika Jaŭhien Baskin razam ź niekalkimi kalehami pa «Siervaluksie» — usiaho 15 čałaviek, byŭ zatrymany supracoŭnikami KDB. Ich padazrajuć va ŭchileńni ad vypłaty padatkaŭ u asabliva bujnym pamiery - škoda składaje nie mienš za 37 młn novych rubloŭ.
Jak raspavioŭ 15 sakavika staršynia KDB Valeryj Vakulčyk, Jaŭhien Baskin i jaho finansavy dyrektar byli zatrymanyja ŭ mienskim aeraporcie pry sprobie źbiehčy za miažu.
22 sakavika Jaŭhien Baskin byŭ pieraviedzieny pad chatni aryšt «u suviazi z novymi abstavinami». Sam biznesmen kamientavać svajo zatrymańnie i vyzvaleńnie sa śledčaha izalatara KDB nie staŭ.
Što Babaryka i Kaleśnikava adkazali na pytańni pra vajnu97
Kamientary