Polščy i inšym jeŭrapiejskim krainam treba raźvivać palityčnyja adnosiny z Turcyjaj, niahledziačy na sprobu vajennaha pieravarotu i chvalu aryštaŭ, jakija prakacilisia pa krainie paśla jaho — zajaviŭ staršynia Adeskaj ADA Michaił Saakašvili, vystupajučy na Varšaŭskaj uschodniejeŭrapiejskaj kanfierencyi. Taksama jon zaklikaŭ Polšču stvaryć «pojas supracoŭnictva» ź dziaržavami Čarnamorskaha rehijonu, pieradaje radyjo.net.
Michaił Saakašvili zaprapanavaŭ stvaryć «pojas supracoŭnictva», jaki by ŭklučaŭ Polšču j krainy Čarnamorskaha basejnu, u tym liku Ŭkrainu, Azerbajdžan i Hruziju. Na dumku byłoha prezydenta Hruzii j ciapierašniaha kiraŭnika Adeskaj vobłaści, hetyja krainy majuć supolnyja intaresy, a ich supracoŭnictva stanie dadatkovaj harantyjaj biaśpieki ŭ časy «nadzvyčajnaj słabaści Zachadu». Z takoj prapanovaj Michaił Saakašvili vystupiŭ na XIII Varšaŭskaj uschodnieeŭrapiejskaj kanferencyi, jakaja adčyniłasia ŭ paniadziełak u ścienach Varšaŭskaha ŭniversytetu.
Polščy j inšym eŭrapiejskim krainam treba raźvivać palityčnyja adnosiny z Turcyjaj, niahledziačy na sprobu vajskovaha pieravarotu i chvalu aryštaŭ, jakija prakacilisia pa krainie paśla jaho – zajaviŭ Michaił Saakašvili, vystupajučy na Varšaŭskaj uschodnieeŭrapiejskaj kanferencyi. Taksama jon zaklikaŭ Polšču stvaryć «pojas supracoŭnictva» ź dziaržavami Čarnamorskaha rehijonu.
«Paśla taho, što adbyłosia dva dni tamu, Turcyja adychodzić ad našych ahulnych ujaŭleńniaŭ pra toje, jak palityka pavinnaja rabicca ŭ eŭrapiejskaj krainie, adnak usie dziaržavy rehijonu abjadnoŭvaje žadańnie mirnaha žyćcia dla budučych pakaleńniaŭ, zacikaŭlenaść u stabilnaj pastaŭcy enerharesursaŭ i žadańnie ŭstojlivaha ekanamičnaha raźvićcia», – zaznačyŭ były prezydent Hruzii.
Na dumku Michaiła Saakašvili, aljans Polščy j krainaŭ Čarnamorskaha basejnu daść jaho ŭdzielnikam dadatkovyja harantyi biaśpieki ŭ časy «vyklučnaj słabaści Zachadu».
M. Saakašvili: Polšča, Ukraina, mahčyma Małdova, Hruzija, Azerbajdžan, Turcyja, i, ja spadziajusia, Armenija – paśla taho jak pytańni kanfliktu na Paŭdniovym Kaŭkazie buduć vyrašanyja – pavinnyja stvaryć niešta nakštałt pojasu supracoŭnictva, jaki dapamoža kampensavać vyklučnuju słabaść Zachadu. My možam chacia b sfarmulavać ahulnyja nakirunki dy ŭzmacnić patencyjał biaśpieki ŭ imia budučyni. Vielmi važna, kab my pačali rabić heta ciapier – nie adkładvajučy hetaj spravy.
Polšča j krainy Čarnamorskaha basejnu majuć prahmatyčnyja intaresy, tamu ich kiraŭniki pavinnyja sieści za stoł pieramovaŭ. «Zachad vielmi słaby, i my ŭsie heta viedajem», zaznačyŭ Michaił Saakašvili jašče raz, kamentujučy žurnalistam svaju prapanovu.
Adnak eks-prezydent Hruzii zastajecca pierakanany, što jak Ukrainu, tak i Hruziju raniej ci paźniej prymuć u NATO.
M. Saakašvili: Krajniaja słabaść Zachadu projdzie – heta cykličnaja źjava. Darečy, ja nia dumaju, što niadaŭni samit NATO byŭ drennym. Jaho rašeńni stvaryli peŭnyja ramki dla strymlivańnia Rasiei. Adnosiny Zachadu da Maskvy źmianilisia. Niadaŭni samit NATO byŭ u hetym planie symbaličnym. Ja nia viedaju, kali dakładna adbudziecca pryniaćcio našych krainaŭ u šerahi Aljansu – adnak ja dumaju, značna chutčej, čym my sabie ŭjaŭlajem. Praŭda, ja nia viedaju, što adbudziecca chutčej – pašyreńnie NATO ci dezintehracyja Rasiei.
Adkazvajučy na pytańni publiki, Michaił Saakašvili raskazaŭ, čaho za hod kiravańnia vobłaściu jamu ŭdałosia dabicca ŭ Adesie.
M. Saakašvili: Pieršy raz u historyi Adeskaja vobłaść maje niekarumpavanuju administracyju – i hety fakt pryznajuć usie. Tamu kali mianie pytajuć: «A dzie rezultaty? Ci pabudavali vy ŭžo sto chmaračosaŭ, supermarkietaŭ, čyhunku j mižnarodny aeraport z hadavym abarotam u 20 miljonaŭ pasažyraŭ? », ja kažu: «Dajcie čas!». Druhaja reč, jakoj my dabilisia – heta stvareńnie absalutna novaj kamandy. I hetaja kamanda kali-niebudź budzie kiravać Ukrainaj. Adesa – heta labaratoryja. Adnak my nia majem iluzijaŭ. Źmienaŭ možna dabicca tolki pravieŭšy źmieny ŭ Kijevie. Taksama Batumi byŭ niekali adbudavany paśla pieramienaŭ u Tbilisi. My stvaryli vialiki pakiet zakanadaŭčych prapanovaŭ, jaki nazyvajecca «Adeski pakiet reformaŭ». Jon datyčycca derehulacyi biznesu, razbureńnia biurakratyčnych barjeraŭ, decentralizacyi i źnižeńnia padatkaŭ. Dumaju, na praciahu hodu Ŭkraina pavinna jaho pryniać.
Źmicier Bandarenka z hramadzianskaj kampanii «Eŭrapiejskaja Biełaruś» paprasiŭ Michaiła Saakašvili dapamahčy biełarusam, jakija vajujuć u Danbasie na baku Ŭkrainy, atrymać lehalny status. Taksama jon paprasiŭ prakamentavać, čamu ŭkrainskija i hruzinskija ŭłady zachoŭvajuć dobryja adnosiny z aŭtarytarnym režymam Alaksandra Łukašenki. Supraca z Łukašenkam nia značyć, što Ŭkraina i Hruzija nia chočuć demakraty i ŭ Biełarusi – adkazaŭ Michaił Saakašvili.
M. Saakašvili: Heta nia značyć, što my nie sympatyzujem idei svabodnaj Biełarusi. Alternatyvy svabodnaj Biełarusi niama. Adnak dla taho, kab Biełaruś była svabodnaj, kab raźvivałasia ideja svabody j demakratyi, treba, kab Biełaruś zachavałasia jak dziaržava. Vy viedajecie, što hetaje pytańnie taksama stajała. Nia tolki Pucin, a mnohija rasiejcy, z-za ich prapahandy, nia mohuć zrazumieć, navošta isnuje dziaržava Biełaruś i pytajucca, chutka jana skončycca ci nie. Davajcie spačatku zachavajem dziaržavu.
Michaił Saakašvili zajaviŭ, što jon pierakanany ŭ «ašałamlalna dobraj» budučyni Biełarusi. «Ja maju vielmi vysokaje mierkavańnie pra patencyjał Biełarusi j vielmi aptymistyčna nastrojeny, vydatna razumiejučy ŭsie ciažkaści, jakija isnujuć – padkreśliŭ były prezydent Hruzii.
Vystup Michaiła Saakašvili nie abyšoŭsia biez skandału. Dvoje hramadzkich aktyvistaŭ publična abvinavacili jaho ŭ katavańni viaźniaŭ u časy jaho prezydenctva, zajavili što Saakašvili – heta «Hruzinski Pucin» i pasprabavali razharnuć transparant. Kanflikt byŭ vyrašany na praciahu dvuch chvilin. Achova ŭniversytetu karektna vydaliła manifestantaŭ z zali.
Łatvija «pa techničnych pryčynach» zakryła miažu ź Biełaruśsiu12
Kamientary