Kiraŭnik niezaležnaj kamisii VADA taksama zajaviŭ, što MAK i mižnarodnyja fiederacyi niapravilna vytłumačyli dakład kamisii Suśvietnaha antydopinhavaha ahienctva.
Mižnarodny alimpijski kamitet (MAK) i mižnarodnyja spartyŭnyja arhanizacyi niapravilna vytłumačyli dakład rasśledavańnia niezaležnaj kamisii Suśvietnaha antydopinhavaha ahienctva (VADA). Pra heta kiraŭnik niezaležnaj kamisii VADA Ryčard Makłaren zajaviŭ brytanskamu vydańniu The Guardian.
«Hramadskaść, u pryvatnaści MAK i mižnarodnyja fiederacyi, niapravilna vytłumačyli dakład. U im havaryłasia pra sistemu dopinhu ŭ Rasii, a nie pra toje, jakija spartsmieny parušali antydopinhavyja praviły, — zajaviŭ kiraŭnik kamisii VADA. — U mianie prosta nie było času na vyjaŭleńnie spartoŭcaŭ».
Makłarien adznačyŭ, što ŭsie fakty ŭ dakładzie padmacavanyja dokazami.
«Ja byŭ na toj stadyi, kali ja moh skazać usio, što ja viedaŭ biez usialakich sumnievaŭ, — padkreśliŭ jon. — Ja nie staŭ by ničoha ŭklučać u svoj dakład, kali b u mianie nie było dokazaŭ, bo heta nie adpaviadaje kryminalnym standartam luboj krainy śvietu. Mahu zapeŭnić, što ŭ mianie jość dokazy, padmacavanyja analizam bazaŭ dadzienych, uzorami prabirak, ale ja ich nie pradstaviŭ».
Niezaležnaja kamisija VADA pad kiraŭnictvam Makłarena 18 lipienia pradstaviła dakład ab vynikach rasśledavańnia abvinavačvańniaŭ u dopinhavych machinacyjach na Alimpijskich hulniach 2012 i 2014 hadoŭ. U dakładzie śćviardžajecca, što sistema pa ŭtojvańni stanoŭčych dopinh-probaŭ u Rasii ŭžyvałasia ŭ 643 vypadkach z 2011 pa 2015 hod. Usiaho ŭ joj byli zadziejničanyja atlety z 30 vidaŭ sportu. Na asnovie dakładu vykankam VADA rekamiendavaŭ MAK, Mižnarodnamu paralimpijskamu kamitetu i ŭsim mižnarodnym spartovym fiederacyjam adchilić rasijskich spartoŭcaŭ ad udziełu ŭ svaich spabornictvach.
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku12
Kamientary