Sotni ludziej vyjšli na demanstracyju ŭ Rya-de-Žaniejra za niekalki hadzin da adkryćcia Alimpijskich hulniaŭ u znak pratestu suprać vielizarnych vydatkaŭ na praviadzieńnie spabornictvaŭ.
Pratestoŭcy zabłakavali darohi la raskošnaha hatela Copacabana Palace Hotel, dzie pražyvajuć spartoŭcy. Niekatoryja ŭdzielniki akcyi pryjšli z płakatami «Nie Alimpijadzie!»
Hości, jakija atrymali akredytacyju, nazirajuć za pratestami z terasy hatela, pieradaje Frans priess.
Niahledziačy na ciažkuju ekanamičnuju situacyju, Brazilija vydatkavała niekalki miljardaŭ dalaraŭ na budaŭnictva stadyjonaŭ i inšych abjektaŭ infrastruktury dla praviadzieńnia letniaj Alimpijady.
Brazilskija ŭłady sprabavali istotna zrezać biudžet Hulniaŭ, u tym liku za košt cyrymonii adkryćcia, jakaja, jak čakajecca, budzie adnosna ścipłaj.
Pad dadzienych ŚMI, cyrymonija adkryćcia na stadyjonie «Marakana» abyšłasia tolki ŭ adnu dziasiatuju sumy, vydatkavanaj Brytanijaj na adkryćcio Alimpijady-2012.
Za dzień da hetaha palicyja vymušana była ŭžyć ślezaciečny haz dla razhonu ŭdzielnikaŭ akcyi pratestu, jakaja razharnułasia padčas uračystaj sustrečy Alimpijskaha ahniu.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła3
Kamientary