10 vieraśnia u Muziei narodnaj architektury i pobytu pad Minskam adbudziecca vośmy štohadovy fołk-fiestyval «Kamianica». Mierapryjemstva adbudziecca pry padtrymcy Banka BiełVEB.
Fołk-fiestyval «Kamianica» ŭpieršyniu adbyŭsia ŭ 2009 hodzie i z taho času staŭ adnym z hałoŭnych mierapryjemstvaŭ dla tych, chto cikavicca biełaruskaj nacyjanalnaj kulturaj — ad staradaŭnich tradycyj da sučasnych interpretacyj, ad muzyki da ramiostvaŭ i tancaŭ. Hrošy ad fiestyvalu iduć naŭprost na rachunki muzieju, dapamahajučy zachoŭvać unikalnuju kalekcyju biełaruskaj draŭlanaj architektury 18-20 stahodździaŭ.
Chedłajnierami «Kamianicy 2016» buduć etna-trya «Trojca» i Ina Žałannaja (Rasija) — vykanaŭca world music z suśvietnym imiem, dla jakoj heta budzie pieršy pryjezd u Biełaruś.
Śpiavačka z hurtom pradstavić svoj novy albom «Izvorot» (2014), zapisany pry ŭdziele Treja Hana, bas-hitarysta King Crimson. Taksama vystupiać fołk-rokiery «Taruta» (Ukraina), etna-transavy kalektyŭ «Ole-Łukojie» (Rasija), rok-hurt Re1ikt (Biełaruś), fołk-ansambl «Vietach» (Biełaruś), śpiavačka Palina Respublika (Biełaruś) i inšyja muzyki.
— Kožny hod pry vybary artystaŭ my namahajemsia spałučać lepšych biełaruskich fołk-vykanaŭcaŭ ź jakasnymi zamiežnymi, pažadana nie vystupaŭšymi ŭ Biełarusi. U hetym hodzie bałans praktyčna idealny, — adznačaje kaardynatar fiestyvalu Siarhiej Čehryniec. — «Troica» i Ina Žałannaja — heta vydatnaja para chedłajnieraŭ, pra jakuju moža maryć luby surjozny etničny fiestyval.
***
Kvitki na fiestyval užo ŭ prodažy praz sajt i kasy apieratara ByCard. Darosłyja — 10 rubloŭ, studenty — 7 rubloŭ, školniki — 5 rubloŭ. Daškolniki i hledačy ŭ poŭnych nacyjanalnych strojach (ad abutku da hałaŭnoha ŭbora) prachodziać biaspłatna.
Sačycie za navinami fiestyvalu u fejsbuku fejsbuku, vk.com
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary