Pra heta paviedamiŭ ministr justycyi Aleh Śližeŭski, jaki ŭziaŭ udzieł u respublikanskim sieminary-praktykumie ŭ Mahiloŭskaj vobłaści.
«Siońnia šmat robicca dla taho, kab uračystyja momanty ŭ žyćci našych hramadzian, takija jak naradžeńnie dziciaci, šlub, možna było pravieści ŭ maksimalna pryhožaj, kamfortnaj, cikavaj abstanoŭcy. Našy zahsy akazvajuć raznastajnyja płatnyja pasłuhi, pravodziačy ŭračystyja mierapryjemstvy jak u samich pamiaškańniach zahsaŭ, tak i padčas vyjaznych mierapryjemstvaŭ u roznych kulturnych miescach. Pieralik takich miescaŭ vyznačany ŭ kožnym horadzie, u kožnym nasielenym punkcie. Ale siońnia my razhladajem pytańnie, kab pašyryć pieralik takich pasłuh, miescaŭ praviadzieńnia ŭračystych mierapryjemstvaŭ», — skazaŭ Aleh Śližeŭski.
Padrychtavany prajekt pastanovy Savieta Ministraŭ, jaki praduhledžvaje pašyreńnie pieraliku dopusłuh, jakija buduć akazvać zahsy. «Naprykład, na praciahu peŭnaha času de-fakta prachodziać cyrymonii ŭračystaha ŭšanavańnia jubilejnych dat siamji — 50-hodździe, 25-hodździe, siarebranaje viasielle, załatoje viasielle. Hetyja pasłuhi zapatrabavanyja nasielnictvam, akazvajucca zahsami, ale jurydyčna pakul nie zamacavanyja», — rastłumačyŭ ministr. Płanujecca, što pasłuhu zamacujuć ŭ dakumiencie i jana budzie akazvacca jašče šyrej.
Kamientary