Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»

«Ekstremisckaj pradukcyjaj» pryznavali staronki ŭ X (były tvitar) i raniej, ale havorka pieravažna viałasia pra staronki viadomych publičnych asob, inicyjatyŭ demakratyčnych siłaŭ i niezaležnych miedyja. Ciapier ža dabralisia i da zvyčajnych karystalnikaŭ. 

Kali za pieršuju pałovu 2024 hoda byli pryznanyja «ekstremisckimi» kala 20 staronak u tvitary, to za apošnija paŭtara miesiaca — užo bolš za 40 akaŭntaŭ.

Staronki ŭ tvitary pryznajucca «ekstremisckaj pradukcyjaj» vyklučna sudom Centralnaha rajona horada Minska i ŭnosiacca ŭ adpaviedny śpis cełymi pačkami kožny tydzień.

Naturalna, što pad takuju patrebu składana znajści šmat palityčnych akaŭntaŭ, tym bolš značnaja častka ź ich atrymali «ekstremiscki» status raniej.

Tamu bolšaść staronak, pryznanych «ekstremisckaj pradukcyjaj» sa žniŭnia 2024 hoda, — heta aktyŭnyja akaŭnty zvyčajnych niemiedyjnych biełarusaŭ. U častki ź jakich navat niama vialikaj kolkaści padpisčykaŭ. U mnohich u stužcy nie palityčny paradak, a žyćciovyja dopisy.

Pavialičyć

Adzin z akaŭntaŭ, LeŭSapega (@levsapega2), pierastaŭ abnaŭlacca paśla 21 žniŭnia 2024 hoda, za miesiac da pryznańnia jaho «ekstremisckim», a paśla byŭ uvohule vydaleny z sacsietki. Padpisčyki padazrajuć, što jaho aŭtar moh być zatrymany ŭ Biełarusi. 

Tvitar — heta adkryty mikrabłoh, dzie luby dopis moža pieratvarycca ŭ pałkuju dyskusiju. Sacsietka dazvalaje całkam źmianiać nazvu i niknejm akaŭnta — što i zrabili bolšaść aŭtara, niadaŭna ŭniesienych ŭ ekstremiscki śpis. Takija źmieny ciažka adsačyć biez dadatkovych techničnych vysiłkaŭ jak siłavym strukturam, tak i zvyčajnym karystalnikam. Ale heta nie harantuje biaśpieki tym, chto zastajecca padpisanymi na ich i znachodzicca ŭ Biełarusi. 

U tvitary schavanyja łajki pad dopisami, ale zastajucca adkrytymi śpisy padpisak akaŭntaŭ. Maje značeńnie i śpiecyfika sacsietki, dzie mnohija karystalniki štodzień pakidajuć mnostva karotkich paviedamleńniaŭ, nie dazvalaje nadziejna pačyścić svoj akaŭnt ad usich repostaŭ «ekstremisckich materyjałaŭ» i adkazaŭ pad imi. Heta daje dobruju hleba dla novych sudoŭ za «raspaŭsiud ekstremisckich materyjałaŭ».

Pavodle vynikaŭ sacyjałahičnaha daśledavańnia, praviedzienaha sioleta pa telefonie ŭ Biełarusi, tolki 0,7% nasielnictva vykarystoŭvajuć tvitar. Heta ŭ razy mienš za Facebook, i ŭ dziasiatki razoŭ mienš za Instagram, YouTube, «Adnakłaśniki», «VK» i TikTok. Ale ŭ paraŭnańni z mnohimi sacsietkami biełaruski siehmient tvitara hienieryruje niepraparacyjna bolš miedyjnych vobrazaŭ i radykalnych mierkavańniaŭ i časta zadaje ton publičnym dyskusijam na roznyja temy.

• 0
• 0
• 0
• 1
• 0
• 0
• 1
• 0