Pra toje, što 3 kastryčnika ŭ žodzinskaj paliklinicy ŭ čarzie pa tałony pamior mužčyna, jakomu na vyhlad było za 70, paviedamlaje miascovaje vydańnie Ex-press.by sa spasyłkaj na vidavočcu.
«Mužčyna pryjechaŭ u palikliniku na rovary, prykładna ŭ 6:30, siadzieŭ u čakańni, pakul adkryjecca rehistratura. Miortvym jaho vyjaviŭ inšy čałaviek, jaki taksama stajaŭ u čarzie. Kab atrymać tałon da niekatorych lekaraŭ, ludzi pryjazdžajuć vielmi rana», — raskazaŭ śviedka.
Čerhi pa tałony da lekara z samaha ranku zajmajuć nie tolki ŭ Žodzinie, ale i ŭ inšych haradach. Tak, u lipieni žychar Barysava pryjšoŭ da budynka miascovaj palikliniki a čaćviortaj hadzinie ranicy, kab być pieršym u čarzie pa tałon. Jon uziaŭ z saboj kresła.
U śniežni 2023 hoda haradskaja hazieta Žodzina pryznała prablemu niedachopu tałonaŭ da vuzkich śpiecyjalistaŭ, ale abvinavaciła ŭ joj samich pacyjentaŭ:
- pieršaja pryčyna: žodzincy samastojna vyznačajuć i vybirajuć kankretnaha lekara biez papiaredniaj kansultacyi;
- druhaja: niekatoryja pacyjenty, atrymaŭšy tałony, nie źjaŭlajucca na pryjom, što adbivajecca na dastupnaści tałonaŭ.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3434
Kamientary
Tak sama pamirajuć. Dziakuj Bohu nia ŭ čarzie ( . Matačka maja Naśvienšaja .