Vybitnaja savieckaja spartsmienka Antanina Siaredzina pamierła na 87-m hodzie žyćcia, paviedamlaje aficyjny sajt Usierasijskaj fiederacyi viesłavańnia na bajdarkach i kanoe.
Siaredzina dvojčy pieramahała i adzin raz stanaviłasia bronzavym pryzioram Alimpijskich hulniaŭ, trojčy vyjhravała čempijanat śvietu, vosiem razoŭ — čempijanat Jeŭropy i 15 razoŭ — čempijanat SSSR. U 1960 hodzie jana była pryznana lepšaj spartsmienkaj SSSR, u 1970-m — lepšym trenieram SSSR.
«Navat znachodziačysia na zasłužanaj piensii, Siaredzina praciahvała aktyŭna prapahandavać hreblu na bajdarkach i kanoe ŭ krainie, prymała aktyŭny ŭdzieł u spabornictvach vieteranaŭ, u cyrymonijach ŭznaharodžańnia pieramožcaŭ i pryzioraŭ usierasijskich i maskoŭskich spabornictvaŭ, jana drukavałasia ŭ šmatlikich pieryjadyčnych vydańniach, vystupała pa radyjo i telebačańni, napisała šeść bijahrafičnych knih.
Jaje enierhija, entuzijazm, žyćcialubstva, pracazdolnaść ździŭlali ŭsich. Ź imiem Siaredzinaj źviazana cełaja epocha ŭ viesłavańni na bajdarkach i kanoe.
Alimpizm byŭ u jaje kryvi. Jana niadaŭna viarnułasia sa svajoj čarhovaj Alimpijady — z Rya-de-Žaniejra… Strata niezamiennaja. My vykazvajem spačuvańni rodnym, blizkim i siabram pamierłaj. Usie vieślary Rasii smutkujuć razam z vami. Pamiać ab hetym vialikim čałavieku nazaŭsiody zachavajecca ŭ našych sercach», — havorycca ŭ paviedamleńni Usierasijskaj fiederacyi viesłavańnia na bajdarkach i kanoe.
Kamientary