Apošnija hady klimat u Biełarusi mocna paciapleŭ. Rastuć u nas ciapier kavuny i dyni. Mianiajecca i faŭna.
Čytač «Našaj Nivy» Ivan Miaževič chadziŭ u hryby ŭ Baranavickim rajonie i dasłaŭ u Redakcyju fota vialikaha pavuka. Piša: «Taki vialiki! Moža heta tarantuł?»
Inšy čytač «NN» dasłaŭ fota vializnaha pavuka, jaki pryžyŭsia ŭ padjeździe:
Što heta za pavuki? «Naša Niva» źviarnułasia da zahadčyka łabaratoryi Navukova-praktyčnaha centra pa bijaresursach Akademii navuk, kandydata bijałahičnych navuk Aleha Pryščepčyka.
«Na pieršym fota znachodzicca kryžavik vuhłavaty (Araneus angulatus). Jon žyvie ŭ lasach. Sietki raźmiaščajucca vysoka nad ziamloj miž halinami dreŭ».
«U padjeździe ž možna raspaznać kryžavika dyademavaha, abo zvyčajnaha (Araneus diadematus)», — kaža Aleh Pryščepčyk.
«Usie jany adnosiacca da vidu araneidaŭ i ŭvachodziać u siamiejstva pavukoŭ kruhapradaŭ. Heta adno z samych šmatlikich siamiejstvaŭ u śviecie, jano naličvaje bolš za 2500 raznavidnaściaŭ, — kaža Pryščepčyk. — Va ŭsiaho hetaha siamiejstva jość śpiecyjalnyja narasty na piaredniaj pary kaniečnaściaŭ, dziakujučy jakim jany zdolnyja pleści asablivy vid pavuty».
Što vy kažacie, vialikija?
«Dy nie, — nie pahadžajecca Pryščepčyk. — Jany siarednich pamieraŭ, samcy pryblizna paŭtara santymietra, samicy — dva z pałovaj».
Kryžaviki siłkujucca ŭsimi kuzurkami, jakich jany mohuć złavić u svaje siecivy — vosami, pčołami, muchami i matylkami. Złoŭlenuju ŭ sietku zdabyču pavuk kusaje, abmotvaje nitkami pavucińnia i pieravarvaje z dapamohaj stravavalnych fiermientaŭ. Za sutki kryžaviki źjadajuć ježu, roŭnuju ŭłasnaj vazie.
Ukus takoha pavuka nie strašny. Maksimum — na miescy ŭkusu moža naziracca nievialikaja prypuchłaść niekalki dzion.
A klimat u Biełarusi, sapraŭdy, ciapleje. I dokaz tamu — u Redakcyju trapiła fota bahamoła, jakoha syn adnaho z žurnalistaŭ «Našaj Nivy» źniaŭ u Zasłaŭi. Raniej bahamoły žyli tolki ŭ krainach paŭdnioviej za Biełaruś. A ciapier i ŭ nas. Zirnicie, jaki charašun.
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary