Haradziency taksama zmahalisia za svaju hraviuru
Hraviura z vyjavaj siarednieviečnaj Horadni była pradadziena za 95 000 złotych, a dyrektar haradzienskaha muzeju mieŭ paŭnamoctvy tarhavacca tolki da 60 tysiač.
U Varšavie z aŭkcyjonu była pradadziena redkaja hraviura Matyjasa Ciundta, dziakujučy jakoj my siońnia viedajem, jak vyhladała Horadnia ŭ 1568 hodzie. Na vyjavie padrabiazna adlustravanyja ŭsie tahačasnyja chramy, ratuša, zamki, dy inšyja pabudovy. Hraviura zastałasia ŭ Polščy. Haradzienskija ŭłady taksama zrabili sprobu prydbać hraviuru.
Paviedamleńnie pra vystaŭlenuju na prodaž hraviuru Ciundta chutka raspaŭsiudziłasia siarod haradzienskich historykaŭ, bo jany razumiejuć jaje kaštoŭnaść. Jany byli nia mienš ździŭlenyja tym, što haradzkija ŭłady zrabili kroki, kab nabyć jaje. Na varšaŭski aŭkcyjon jeździŭ dyrektar historyka-archealahičnaha muzeju Jury Kiturka: «Pa damoŭlenaści z uładami ja jeździŭ jak pradstaŭnik Haradzienskaha harvykankamu».
Hraviura z vyjavaj siarednieviečnaj Horadni była pradadziena za 95 000 złotych (44 tys. dalaraŭ). A jakija byli šancy nabyć jaje?
«Ja da šaścidziesiaci tysiač mieŭ prava dajści, — kaža Ju. Kiturka. — Na svaje strach i ryzyku dumaŭ navat da siamidziesiaci piaci… Ale vyjšła ažno dzievianosta piać tysiač. Što ž, jak nia maješ paŭnamoctvaŭ… Z našaha boku heta była ŭ peŭnym sensie avantura. Da hetaha treba rychtavacca, a my daviedalisia za try dni. I heta tolki pastupova vyśpiavała rašeńnie jechać, my spačatku chacieli prava kamu-niebudź pieradać, potym ja vyrašyŭ źjeździć. Vopyt, kaniečnie, cikavy atrymaŭsia. I možna skazać, što kali b byli hrošy, to možna było b kuplać vielmi redkija i cikavyja rečy».
Zatoje biełaruski kalekcyjanier, jaki pažadaŭ zastacca nieviadomym, kupiŭ u časie aŭkcyjonu ścipły partret apošniaha karala Rečy Paspalitaj Stanisłava Aŭhusta Paniatoŭskaha.
Kataloh aŭkcyjonu ŭ farmacie PDF dastupny tutaka.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ24
Kamientary