Lekcyi cykła «Ujaŭlajučy Biełaruś: idei i vobrazy dla supolnaj budučyni»adbuducca z 20 pa 24 vieraśnia 2016 h u Korpus 8 (Mašerava,9)
Zrazumieć siabie i svoj čas, razabracca z vyklikami i spakusami budučyni prapanujuć Latučy ŭniviersitet i Mižnarodny kansorcyum «JeŭraBiełaruś»: u miežach Tydnia biełaruskaha myśleńnia jany ładziać šeść publičnych lekcyj, dzie hłabalnyja prablemy sučasnaści razhladajucca na prykładzie samych roznych śfieraŭ žyćcia i dziejnaści čałavieka — ad muzyki da intelektualnych sistemaŭ. Siarod lektaraŭ — doktar techničnych navuk, prafiesar Uładzimir Halankoŭ, fiłosaf i mietadołah Uładzimir Mackievič, fiłosaf i paet Ihar Babkoŭ, ekołah, kaardynatar «Zialonaj sietki» Jarasłaŭ Biekiš, architektar Źmicier Zadoryn, muzyki Alaksiej Varsoba i Irena Katvickaja.
Myśleńnie — heta toje, što znachodzić siabie na miažy niepamysnaha. Jano vyznačaje nerv našaha času. Siońnia hety nerv źviazany z šeraham prablem, jakija adkryvajucca ŭ abstavinach, kali šmatlikija ŭparadkavanyja raniej rečy pierabudoŭvajucca: stasunki pamiž kulturami, sacyjalnymi strukturami, znosiny čałavieka z asiarodździem i štučnym intelektam, etyčnym i humanitarnym vymiareńniem našaha ładu žyćcia. Vyrašeńnie hetych prablemaŭ patrabuje hłabalnaha myśleńnia, ale nie abstraktnaha. U miežach Tydnia biełaruskaha myśleńnia Latučy ŭniviersitet pradstaŭlaje šerah publičnych lekcyj z ahulnaha cykła «Ujaŭlajučy Biełaruś: idei i vobrazy dla supolnaj budučyni», jakija dajuć sprobu adkazaŭ na hłabalnyja pytańni, zychodziačy ź biełaruskaha kanteksta.
20 vieraśnia, Minsk, 19.00-21.00 Korpus 8, pr-t Mašerava, 9
Uładzimir Halankoŭ, publičnaja lekcyja «Intelektualnyja sistemy: prablemy i pierśpiektyvy». Lektar razvažaje pra štučny intelekt i miesca čałavieka ŭ śviecie, dzie panujuć novyja technałohii (anons)
21 vieraśnia, Minsk, 19.30-21.30 Korpus 8, pr-t Mašerava, 9
Uładzimir Mackievič, publičnaja lekcyja «Ludzi, mašyny, žyvioły: siabroŭstva i spakusa». Lektar razvažaje pra antrapałahičnyja pierśpiektyvy času i šukaje adkazy na pytańnie: jak nam zachavać čałaviečaje ŭ sabie? (anons)
22 vieraśnia, Minsk, 19.30-21.00 Korpus 8, pr-t Mašerava, 9
Jarasłaŭ Biekiš, publičnaja lekcyja «Nie-ujaŭlajučy Biełaruś: try «zialonyja» ŭtopii» Razvažajem pra stasunki čałavieka z navakolnym asiarodździem, etyku budučyni i «zialonyja» utopii, jak źmianiajucca ŭjaŭleńni pra čałavieka? (anons)
23 vieraśnia, Minsk, 17.30-18.30 Korpus 8, pr-t Mašerava, 9
Dźmitryj Zadoryn, publičnaja lekcyja «Centralnaja płošča jak parok serca ŭ ciele Minska» Praz asensavańnie historyi centralnaj płoščy Minska, nievyrašalnych prablemaŭ, źviazanych ź jaje pierabudovaj, lektar razvažaje pra mahčymaści jaje «vyzdaraŭleńnia»(anons)
23 vieraśnia, Minsk, 20.00-21.00 Korpus 8, pr-t Mašerava, 9
Irena Katvickaja i Alaksiej Varsoba, duet «AHATA», lekcyja z elemientami majstar-kłasu «Biełaruś praz muzyčnuju siemantyku i sintaksis». Razvažańnie pra myśleńnie ŭ muzycy i instrumientaryj muzyčnaha vykazvańnia: muzyčny sintaksis i sensaŭtvaralnyja adzinki (anons)
24 vieraśnia, Minsk, 17.00-19.00 Korpus 8, pr-t Mašerava, 9
Ihar Babkoŭ, publičnaja lekcyja «Uładzimir Abušenka: rekanstrukcyja idei». Razvažańnie pra Uładzimira Abušenku i jahony čas: rekanstrukcyja kanteksta, žyćciovych i sacylnych dekaracyj, prajektaŭ i schiemaŭ dumki, miejscaŭ i ich adsutnaści (anons)
Udzieł va ŭsich lekcyjach biaspłatny, uvachod volny!
Najbolš aktualnaja infarmacyja pra mierapryjemstvy Latučaha na Tydni — na našym sajcie www.fly-uni.org
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary