Baraćba partyjnych hrupovak jak demaralizujučy faktar

Novy vitok unutryapazycyjnaj baraćby raspačaŭsia na fonie čutak ab budučym aljansie Partyi BNF z «Chartyjaj'97». 14 červienia Sojm BNF pryniaŭ rašeńnie ab vyklučeńni sa svaich šerahaŭ namieśnika staršyni partyi Alesia Michaleviča. Piša Źmicier Pankaviec.

Pytańnie pra vyklučeńnie pastavili staršynia kamisii ŭnutrypartyjnaha kantrolu Jury Chadyka i były dyplamat Piotra Sadoŭski. Aficyjnaj pryčynaj stałasia krytyčnaje interviju sajtu www.gazetaby.com, u jakim Aleś Michalevič rezka prajšoŭsia pa dziejnaści ciapierašniaha kiraŭnictva partyi. Prynamsi, Michalevič zajaviŭ: «Unutry BNF užyvajucca pravieranyja kamunistyčnyja metady. Robicca ŭsio, kab praca čałavieka ŭnutry arhanizacyi stała niemahčymaj».

Nahadajem, što jašče ŭ lutym Sojm BNF pryniaŭ dakument «Za partyjnuju etyku i dyscyplinu». Siarod inšaha, dakument utrymlivaje nastupnaje pałažeńnie: «Niedapuščalnaj ličycca publičnaja krytyka jakich-kolviečy rašeńniaŭ Źjezdu, Sojmu Partyi, a taksama dziejańniaŭ i vykazvańniaŭ staršyni, namieśnikaŭ staršyni, siabroŭ Sojmu Partyi ŭ prysutnaści siabroŭ inšych partyj ci biespartyjnych asob abo ŭ niepartyjnaj presie». Faktyčna toje interviju i stała farmalnaj pryčynaj vyklučeńnia Michaleviča z šerahaŭ BNF.

Staršynia Partyi Lavon Barščeŭski adrazu paśla publikacyi zhadanaha materyjału skazaŭ nastupnaje: «Ja svajho boku pastaŭlu na nastupnym źjeździe pytańnie: albo Michalevič albo ja. Inšaha vyjścia ja nie baču».

U časie hałasavańnia za vyklučeńnie A. Michaleviča z Partyi BNF prahałasavali 24 čałavieki, suprać — 19. Čatyry biuleteni pryznanyja niesapraŭdnymi. Adzin ź siabroŭ Sojmu ŭ znak pratestu demanstratyŭna sapsavaŭ biuleteń i admoviŭsia hałasavać.

Dadzienaje rašeńnie Sojmu moža być abskardžanaje na nastupnym źjeździe BNF, jaki projdzie ŭ žniŭni, i budzie vyłučać kandydataŭ ad partyi na parlamenckija vybary. Darečy, i sam Barščeŭski nie vyklučaje mahčymaści viartańnia Michaleviča ŭ Partyju. «Kali Michalevič navučycca pracavać u kamandzie, rabić uniosak u ahulnuju spravu, dla jaho daroha nie zakryta», — skazaŭ staršynia BNF u hutarcy z karespandentam gazetaby.com.

Vyklučeńnie z BNF Alesia Michaleviča stała čarhovym etapam baraćby ŭnutrypartyjnych hrupovak i asobaŭ za ŭpłyŭ unutry apazycyi. Taja baraćba vyjaŭlałasia napiaredadni letašniaha źjezdu. Tady na staršynskaje kresła pretendavali tahačasny staršynia Vincuk Viačorka i jahony namieśnik Aleś Michalevič.

Viačorka ŭ pieršuju čarhu spadziavaŭsia na mienski aktyŭ, partyjcaŭ staroj zahartoŭki, kštałtu Alesia Bialackaha, Vacłava Areški ci Valanciny Śviackaj, a taksama «Moładź BNF», jakaja atrymała značnuju kvotu. Staŭka Michaleviča była zroblenaja na rehijanalnych aktyvistaŭ niezadavolenych centram, a taksama na tych partyjcaŭ, jakija byli blizkija da Ruchu «Za svabodu».

Urešcie, ni Viačorka, ni Michalevič nie zmahli nabrać patrebnaj kolkaści hałasoŭ. Faktyčna, u tyja chviliny Front byŭ na miažy raskołu. Niechta prapanavaŭ šukać alternatyŭnuju kandydaturu. Paśla čaho i samavyłučyŭsia Lavon Barščeŭski. Na chvali ahulnaj eŭfaryi, što BNF atrymałasia zachavać, absalutna bolšaść delehataŭ zhadzilisia na varyjant z Barščeŭskim.

Zrešty, ahulnaja zadavolenaść novym staršyniom doŭžyłasia litaralna dziesiać chvilin. Akurat da taho samaha momantu, pakul Barščeŭski nie prapanavaŭ u svaje namieśniki całkam kamandu Vincuka Viačorki, dzie, naturalna, nie było miesca ni Michaleviču, ni kamuści jašče ź jahonaj kamandy. Sam Michalevič užo viedaŭ pra takoje rašeńnie, ale pahadziŭsia.

U vyniku hałasavańnia namieśnickija partfeli ŭsio ž zmahli zavajavać Aleś Michalevič i Juraś Hubarevič. Što vyklikała burnuju niezadavolenaść taho ž Barščeŭskaha. Hubarevič, darečy, aproč svajho namieśnictva ŭ BNF zajmaje takuju samuju pasadu ŭ ruchu “Za svabodu” Milinkieviča. Z hetaj pryčyny, pytańnie ab vyklučeńni z BNF Hubareviča abmiarkoŭvałasia jašče dva miesiacy nazad, ale da lahičnaha kanca hetuju praceduru tady nie daviali.

Novy vitok paddyvanovaj vałtuźni supaŭ z pajaŭleńniem čutak pra novuju kandydaturu na staršyniu BNF, a pieradusim u imaviernyja kandydaty ad partyi na nastupnyja prezydenckija vybary. Havorka pra kaardynatara “Chartyi-97” i byłoha namieśnika ministra zamiežnych spravaŭ Andreja Sańnikava. Častkova heta čutki paćviardžajuć sami partyjcy.

Lavon Barščeŭski tolki kaža, što «havaryć pra novaha kiraŭnika arhanizacyi pakul niasvoječasova». «Adzinaje, ja viedaju toje, što Sańnikaŭ sapraŭdy ŭziaŭ blank dla ŭstupleńnia ŭ Partyju. Ale heta ŭsio mocna pierabolšanaje», — kaža Barščeŭski.

Zatoje namieśnik staršyni Partyi BNF Alaksiej Janukievič kankretyzuje bolš: «Adkul źjavilisia čutki, što Sańnikaŭ choča stać staršyniom Partyi, ja nia viedaju. Heta ŭsio ž bolš domysły, čym realnaja perspektyva. Što da vyłučeńnia Sańnikava kandydatam u prezydenty ad BNF, to heta dosyć realna. Nakolki ja viedaju, bližejšym časam jon źbirajecca ŭstupić u BNF i ŭnieści svaju kandydaturu ŭ śpis vyłučencaŭ na prezydenckija vybary. Jak ja liču, čym bolš kandydataŭ, tym lepš. Pahladzim, ci padtrymajuć Sańnikava našy partyjcy».

Nahadajem, što raniej pra žadańnie balatavacca ŭ prezydenty ad Partyi BNF zajavili ŭžo były namieśnik staršyni Aleś Michalevič i prafesar Jury Chadyka.

«Ja biespartyjny čałaviek, nikudy ŭstupać nie źbirajusia. A plotki kamentavać nie chaču», — skazaŭ «NN» sp.Sańnikaŭ.

Nakolki nam stała viadoma, sustrečy miž Barščeŭskim i Sańnikavym usio ž adbyvalisia. U lubym vypadku ŭsio heta moža prajaśnicca jašče letam, kali adbudziecca pazačarhovy źjezd BNF.

Što da samoha Alesia Michaleviča, to jašče ranicaj u subotu ja mieŭ ź im telefonnuju razmovu adnosna pracy Sojmu. Palityk razhladaŭ imaviernaść vyklučeńnia z BNF jak minimalnuju i absalutna nie dramatyzavaŭ sytuacyju.

Lavon Barščeŭski adrazu prakamentavaŭ sytuacyju na partyjnym sajcie: «Na žal, častka ludziej nie zrazumieła, što partyjnaja praca — heta nie hulnia, što partyja — nie kantora klijentaŭ, a arhanizacyja, jakaja realizuje supolna vyznačanyja palityčnyja mety. Sojmu Partyi BNF daviałosia pryniać niaprostaje, ale absalutna nieabchodnaje rašeńnie».

Aleś Michalevič pakul abmiažoŭvajecca krytykaj rašeńnia Sojmu: «Ja asabista nijakimi raskołami zajmacca nie źbirajusia, ale nie vyklučaju, što takija metady ŭ vyniku da raskołu mohuć pryvieści. Ja na siońnia planuju i dumaju, čym źbirajusia zajmacca i jak siabie pavodzić dalej. Nia maju nijakich kankretnych hatovych adkazaŭ, ale rašeńnie budzie pryniataje ŭ bližejšy čas».

Ci moža rašeńnie Sojmu aznačać čarhovy raskoł u BNF? Naŭrad ci. Chacia niekalki čałaviek u pryvatnych razmovach sa mnoj zajavili pra hatoŭnaści syści z Partyi ŭ znak salidarnaści ź Michalevičam. Stvarać novuju partyju dla Michaleviča niama rezonu, bo apošnija hady Minjust uparta admaŭlajecca rehistravać palityčnyja partyi. Dy i nia fakt, što ludziej chopić. Najchutčej, što kanflikt zaciahniecca da da nastupnaha źjezdu, jaki moža anulavać rašeńnie Sojmu.

Jakim by ni byŭ vynik, baraćba za ŭpłyvy ŭnutry apazycyi nikomu jašče nie dadała ani maralnych, ani palityčnych bałaŭ.

❏

Vielmi prosim čytačoŭ, jakija čytajuć «NN» tolki ŭ internecie, dasyłać pryvatnyja achviaravańni z raźliku choć by 8000 na miesiac z paznakaj: «za Internet». Biaz hrošaj nia moža być sajtu.

U padziaku kožnamu z achviaradaŭcaŭ my možam prapanavać dostup da pdf-versii hazety na termin ad paŭhodu i bolej (zaležna ad pamieru achviaravańnia). U pdf-archivie znachodziacca numary z 2003 hodu.

U hrafie dla piśmovych paviedamleńniaŭ nieabchodna razborliva paznačyć elektronny adras dla kantaktaŭ.

Z pytańniami źviartajciesia na [email protected].

❏

Na jaki rachunak pieraličać hrošy?

Achviaravańnie možna pieravieści ŭ lubym adździaleńni banku, na luboj pošcie. Uličycie, što pry pierakazvańni hrošaj paštovym pieravodam pošta spahaniaje dadatkova 3 %, a pry pieravodzie hrošaj praź «Biełarusbank» pracentu nie biaruć.

Na bankaŭskaj kvitancyi ŭ hrafie «Vid płaciaža» treba paznačyć: «Za hazetu «Naša Niva».

U hrafie: «Atrymalnik płaciaža» treba pisać: PVUP «Surodzičy», UNP 190 786 828.

U hrafie «Najmienavańnie banku» treba pisać: «MHD AAT «Bielinviestbank», vuł.Kalektarnaja, 11, Minsk, kod 764».

U hrafie «Rachunak atrymalnika» — 3012 206 280 014. Pry pierasyłcy hrošaj pa pošcie toje samaje treba pisać u rubrykach «Kamu» i «Kudy».

Razdrukavać bankaŭskuju kvitancyju (pdf-fajł 38Kb, A4).

❏

Kali chto choča atrymlivać papiarovuju hazetu štotydzień, dasyłajcie adrasy i hrašovyja pierakazy.

Paviedamlać svaje adrasy možna praz telefon, faksam, praz poštu ci elektronnuju poštu.

Telefony: (017) 284-73-29, (029) 260-78-32 (MTS), (029) 618-54-84, e-mail: [email protected], [email protected], paštovy adras: a/s 537, 220050 Miensk.

U blanku bankaŭskaha paviedamleńnia ci paštovaha pierakazu, kali łaska, dakładna i razborliva paznačajcie vaš adras, u tym liku paštovy indeks i kod padjezdu.

Tyja, chto pierakaža 24 000 rubloŭ za raz, zabiaśpiečać vychad hazety na try miesiacy. Chto ž maje mahčymaść pierakazać 48 000 rubloŭ adrazu, zabiaśpiečać publikacyju «NN» adrazu na paŭhodu.

• 0
• 0
• 0
• 0
• 0
• 0
• 0
• 0