Uradam vyznačanyja «try punkty rostu, jakija zakładvajuć asnovu dla paskareńnia ekanomiki», paviedamiŭ kiraŭnik Minekanomiki Uładzimir Zinoŭski 3 kastryčnika na sustrečy z členami Savieta Respubliki Nacyjanalnaha schodu Biełarusi.
Pavodle jaho słoŭ, pieršy zaklučajecca ŭ tym, što vyznačanyja 74 inavacyjnyja prajekty, u tym liku ŭ miežach dziaržaŭnaj prahramy inavacyjnaha raźvićcia na piacihodku. «Heta nie zakryty pieralik, na moj pohlad, jon budzie pryrastać. U 2017 hodzie płanujecca zaviaršyć 19 prajektaŭ, dzie budzie stvorana amal tysiača novych vysokapradukcyjnych pracoŭnych miescaŭ. Heta daść mahčymaść zabiaśpiečyć pryrost VUP u pamiery pryblizna 0,12%. U dalejšym ŭniosak hetaj prahramy budzie ŭzrastać, i ŭžo blizu 2020 hoda składzie bolš za 1%», — skazaŭ ministr.
Druhi punkt rostu źviazany ź Biełaruska-kitajskim industryjalnym parkam. Pavodle słoŭ Zinoŭskaha, 2017 hod pavinien stać vyznačalnym u raskryćci jaho patencyjału i rehistracyi rezidentaŭ novych inavacyjnych kampanij. Ahulny ab`iom inviestycyj u raźvićcio parka składzie nie mienš za 60-70 młn dołaraŭ. «Vyniki vizitu kiraŭnika dziaržavy ŭ KNR dazvalajuć aptymistyčna hladzieć na hetaje pytańnie», — adznačyŭ kiraŭnik Minekanomiki.
Treci punkt rostu — novyja pracoŭnyja miescy ŭ małym i siarednim biźniesie, u śfiery pasłuh. «Tut vialiki patencyjał impartazamiaščeńnia i rehijanalnych inavacyj», — upeŭnieny ministr. Pavodle jaho słoŭ, klučavyja pakazčyki pa pracoŭnych miescach na 2017 hod farmujucca zychodziačy z metavaj zadačy padtrymki hetaha siektara.
Zinoŭski paviedamiŭ, što na nastupny hod prahnazujecca stvareńnie nie mienš jak 56 tys. pracoŭnych miescaŭ na siarednich i bujnych pradpryjemstvach.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ19
Kamientary