U Polščy biełarus kiravaŭ hruzavikom z bolš jak čatyrma pramile ałkaholu
U polskim horadzie Siemianovice-Ślonskie sud u paskoranym paradku vynies prysud 44‑hadovamu hramadzianinu Biełarusi, jaki sieŭ za rul hruzavika ŭ stanie mocnaha ałkaholnaha apjanieńnia, paviedamiła miascovaja palicyja.
Incydent adbyŭsia 29 lipienia na terytoryi adnaho ź miascovych pradpryjemstvaŭ. Biełarus pryjechaŭ tudy dla razhruzki tavaru. Paśla taho jak jon pryparkavaŭ aŭtamabil i vyjšaŭ z kabiny, supracoŭnik achovy zaŭvažyŭ, što kiroŭca pavodzić siabie padazrona, i paviedamiŭ pra heta ŭ palicyju.
Supracoŭniki darožnaj palicyi, jakija prybyli na miesca, pravieryli mužčynu na ałkahol. Ekśpiertyza pakazała, što ŭ jaho arhaniźmie było bolš za čatyry pramile ałkaholu. Paśla hetaha kiroŭcu zatrymali i vystavili abvinavačańnie ŭ kiravańni transpartnym srodkam u niećviarozym stanie.
Užo na nastupny dzień sprava była razhledžanaja sudom u paskoranym paradku. Sud pryznaŭ biełarusa vinavatym i prysudziŭ jamu vosiem miesiacaŭ pazbaŭleńnia voli ŭmoŭna z vyprabavalnym terminam dva hady.
Akramia taho, mužčynu na piać hadoŭ pazbavili prava kiravać lubymi miechaničnymi transpartnymi srodkami. Jon taksama pavinien vypłacić pa 7 tysiač polskich złotych (kala 1875 dalaraŭ) u Fond dapamohi paciarpiełym i paślapienitencyjarnaj dapamohi, a taksama ŭ vyhladzie štrafu.
Paśla hetaha vypadku palicyja źviarnułasia ŭ Pamiežnuju słužbu Polščy z chadajnictvam ab pryniaćci rašeńnia ab prymusovym viartańni hramadzianina Biełarusi ŭ krainu pachodžańnia.
Ciapier čytajuć
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ33
Kamientary
Kali ŭ hruzavika było bolš čym čatyry pramile ałkaholu, to zamiest čaho zalivali ŭ jaho ałkahol? Zamiest aniyfryzu ci zamiest palivu?)