Abvinavačvańnie ŭ ździajśnieńni złačynstvaŭ seksualnaha charaktaru ŭ dačynieńni da niekalkich niepaŭnaletnich dziaŭčynak pradjaŭlena dvuchrazovamu alimpijskamu čempijonu pa dziudo, hałoŭnamu trenieru zbornaj Azierbajdžana aŭstryjcu Pieteru Zajzienbachieru. Pra heta paviedamlaje ahienctva Associated Press (AP) sa spasyłkaj na prakuraturu Vieny.
Abvinavačvańnie było pradjaŭlena 56-hadovamu aŭstryjcu pa vynikach trochhadovaha rasśledavańnia, pačataha na padstavie zajavy adnoj ź jaho achviar. Jaho vinavaciać u zhvałtavańni dźviuch dziaŭčynak u kancy 1990-ch — pačatku 2000-ch hadoŭ, kali Zajzienbachier pracavaŭ u adnym ź vienskich spartyŭnych kłubaŭ. Pa dadzienych prakuratury, adna z achviaraŭ padviarhałasia žorstkamu abychodžańniu na praciahu troch hadoŭ. Taksama jon padazrajecca ŭ sprobie zhvałtavańnia jašče adnoj dziaŭčynki.
Advakat alimpijskaha čempijona Biernchard Lechofier zajaviŭ, što jaho klijent u kursie pradjaŭlenych jamu abvinavačvańniaŭ, ale nie budzie ich kamientavać, «kab nie pačynać miedyjacyrk».
Na praciahu spartyŭnaj karjery aŭstryjec zavajavaŭ załatyja miedali ŭ vahavoj katehoryi da 86 kh na Alimpijadzie-1984 u Łos-Andželesie i na Hulniach-1988 u Sieule, staŭšy pieršym dziudaistam ŭ historyi, jakija zdoleli pieramahčy na dźviuch Alimpijadach zapar.
Z 2010-ha pa 2012 hod Zajzienbachier treniravaŭ zbornuju Hruzii. Pad jaho kiraŭnictvam hruzinski spartoviec Łaša Šaŭdatuašvili zavajavaŭ zołata Hulniaŭ-2012 u Łondanie.
Zatym jon uznačalvaŭ zbornuju Azierbajdžana z 2012 pa 2014 hod. U 2015 hodzie jon znoŭ staŭ hałoŭnym trenieram nacyjanalnaj kamandy hetaj krainy.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie27
Kamientary