Абвінавачванне ў здзяйсненні злачынстваў сэксуальнага характару ў дачыненні да некалькіх непаўналетніх дзяўчынак прад'яўлена двухразоваму алімпійскаму чэмпіёну па дзюдо, галоўнаму трэнеру зборнай Азербайджана аўстрыйцу Петэру Зайзенбахеру. Пра гэта паведамляе агенцтва Associated Press (AP) са спасылкай на пракуратуру Вены.
Абвінавачванне было прад'яўлена 56-гадоваму аўстрыйцу па выніках трохгадовага расследавання, пачатага на падставе заявы адной з яго ахвяр. Яго вінавацяць у згвалтаванні дзвюх дзяўчынак у канцы 1990-х — пачатку 2000-х гадоў, калі Зайзенбахер працаваў у адным з венскіх спартыўных клубаў. Па дадзеных пракуратуры, адна з ахвяраў падвяргалася жорсткаму абыходжанню на працягу трох гадоў. Таксама ён падазраецца ў спробе згвалтавання яшчэ адной дзяўчынкі.
Адвакат алімпійскага чэмпіёна Бернхард Лехофер заявіў, што яго кліент у курсе прад'яўленых яму абвінавачванняў, але не будзе іх каментаваць, «каб не пачынаць медыяцырк».
На працягу спартыўнай кар'еры аўстрыец заваяваў залатыя медалі ў вагавой катэгорыі да 86 кг на Алімпіядзе-1984 у Лос-Анджэлесе і на Гульнях-1988 у Сеуле, стаўшы першым дзюдаістам ў гісторыі, якія здолелі перамагчы на дзвюх Алімпіядах запар.
З 2010-га па 2012 год Зайзенбахер трэніраваў зборную Грузіі. Пад яго кіраўніцтвам грузінскі спартовец Лаша Шаўдатуашвілі заваяваў золата Гульняў-2012 у Лондане.
Затым ён узначальваў зборную Азербайджана з 2012 па 2014 год. У 2015 годзе ён зноў стаў галоўным трэнерам нацыянальнай каманды гэтай краіны.
Разведка ЗША: Беларусь стала перадавым вайсковым плацдармам Расіі24
Каментары